Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
AKTUALITET
Pas denoncimit nga Piranjat për trafikimin e refugjatëve, policia vë në pranga 30-vjeçarin në Tiranë, sekuestrohen pasaporta false dhe karta krediti
r.llPërditësimi i fundit 11 Maj 2024, 14:11
i arrestuari
TIRANË- Pas denoncimit nga emisioni investigativ "Piranjat", policia e Tiranës ka vënë në pranga një 30-vjeçar, cili siguronte mijëra euro nga trafikimi i refugjatëve.
Kundrejt pagesave monetare, ai iu kishte premtuar personave nga vendet e treta, të cilët janë futur ilegalisht në vendin tonë, transportimin nga Tirana në drejtim të veriut të Shqipërisë, me qëllim kalimin e tyre në pikat kufitare, me destinacion final vendet e BE-së.
Policia ka sekuestruar në cilësinë e provës materiale 7280 euro, 10 pasaporta të dyshuara të falsifikuara, karta sim, 2 USB, 6 karta krediti, mandate arkëtimi me shuma të ndryshme, dhe 2 vula.
NJOFTIMI I POLICISË:
Në lidhje me një rast të transmetuar në emisionin investigativ “Piranjat”, ju bëjmë me dije se:
DVP Tiranë, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, menjëherë pas publikimit të pamjeve filmike, organizoi punën për identifikimin dhe vënien para përgjegjësisë ligjore të shtetasit të përmendur në video. Në vijim të veprimeve u bë ndalimi i shtetasit K. Sh., 30 vjeç, banues në Tiranë.
Ky shtetas dyshohet se kundrejt shpërblimit monetar, iu kishte premtuar personave nga vendet e treta, të cilët janë futur ilegalisht në vendin tonë, transportimin nga Tirana në drejtim të veriut të Shqipërisë, me qëllim kalimin e tyre në pikat kufitare, me destinacion final vendet e BE-së. Në cilësinë e provës materiale u sekuestruan 7280 euro, 10 pasaporta të dyshuara të falsifikuara, karta sim, 2 USB, 6 karta krediti, mandate arkëtimi me shuma të ndryshme, dhe 2 vula.
Materialet procedurale i kaluan Prokurorisë, për veprime të mëtejshme. Drejtoria Vendore e Policisë Tiranë falënderon mediat dhe qytetarët që denoncojnë rastet e paligjshmërisë dhe i fton sërish ata që të denoncojnë çdo rast paligjshmërie në Komisariatin Dixhital dhe në numrin 112, duke iu garantuar anonimat të plotë dhe reagim të menjëhershëm.
DENONCIMI I PIRANJAVE:
Tre javë më parë publikuam historinë e përfshirjes së punonjësve të emigracionit, në një linjë të trafikimit të qënieve njerëzore nga Lindja e Mesme. Një punë e realizuar paralelisht me operacionin e SPAK që çoi në arrestimin e 26 personave të cilët punonin në këtë linjë.
Linja e Bangladeshit nuk ishte e vetmja, pasi denoncimi i radhës sjell fakte të trafikimit të emigrantëve nga Egjipti. Një linjë mjaft efikase me destinacion vendet e BE, që ka si protagonist kryesor, një shtetas shqiptaro-egjiptian.
“Kam rënë në kontakt me Ahmed Kensowas në Egjipt. Ai merret me trafikim dhe sjell njerëz nga Egjipti drejt BE. Ai u merr nga 5 mijë për të ardhur në Shqipëri, 7 për ti dërguar jashtë. Rruga totale nga Egjipti në BE është 12 mijë euro”, thotë denoncuesja jonë.
Kjo e fundit pati dhe një takim me Ahmed Kensowan për ta verifikuar krejtësisht se si funksionon skema e trafikimit.
Në takim, Kensowa zbërthen gjithçka me detaje. “Mund të fus sa njerëz të dua në Shqipëri kam lidhjet. Nëse do të bëj viza turistike dhe viza pune. Si të duash.
“4 mijë euro pa mbajtur përgjegjësi, 5 mijë duke mbajtur përgjegjësi. Duhet me patjetër të paguash kaq. Shtrenjtë, por ky është biznesi im”, thotë ai.
Për të verifikuar krejtësisht skemën, gazetari Eraldo Harlicaj infiltrohet brenda grupit të trafikimit dhe arrin të marrë 10 pasaporta egjiptianësh. Në total paguhen 3050 euro për skemën e trafikimit.
Harlicaj vendos kontakt dhe me emigrantët që kanë pasaportat në duart e Piranjave pas realizimit të shkëmbimit. Ata konfirmojnë dhe falenderojnë Helmin dhe Ahmetin.
Piranjat më pas ballafaqohen me vetë Ahmedin, kokën e këtij grupi. Ai nuk e pranon përfshirjen, por më pas tregohet agresiv dhe përplas kamerën.
