Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
AKTUALITET
Pas publikimit të mesazheve, reagon motra e 46-vjeçarit të dhunuar, Altin Meçaj: Mjaft më me këtë telenovelë!
PiranjatPërditësimi i fundit 17 Janar 2026, 14:52
“Mjaft më me këtë telenovelë. Drejtësia duhet të thotë fjalën e saj.”
Ky është apeli i bërë publik nga Xhuli Meçaj, motra e të dhunuarit Altin Meçaj, në një prononcim për mediat. Ajo kërkon që ngjarja të trajtohet me qetësi dhe pa spekulime, duke ia lënë zbardhjen e plotë të së vërtetës organeve të drejtësisë.
Reagimi i saj vjen pas publikimit gjatë ditës së djeshme të disa mesazheve në rrjete sociale, të cilat, sipas familjes Meçaj, janë të manipuluara dhe nuk pasqyrojnë realitetin. Xhuli Meçaj thekson se familja e saj këmbëngul në hetim të plotë dhe transparent të ngjarjes, duke shtuar se askush nuk duhet të paragjykohet përpara vendimit të drejtësisë.
“Ne nuk mbajmë përgjegjësi për disfatat që vajza ka pasur në jetë, por nuk mund të lejojmë që ato të kthehen në trauma për familjen tonë,” është shprehur Meçaj, duke nënvizuar se përhapja e akuzave dhe interpretimeve të pabazuara po rëndon padrejtësisht mbi familjen e saj.
Ajo ka theksuar gjithashtu se familja Meçaj ruan respekt maksimal për familjen Lamaj, pavarësisht situatës së rëndë të krijuar. Sipas saj, dhuna ndaj një të moshuari është e pafalshme dhe e dënueshme moralisht dhe ligjërisht, por familja nuk kërkon hakmarrje dhe as përshkallëzim të konfliktit.
“Ne nuk e dëshirojmë hakmarrjen. Kërkojmë vetëm drejtësi dhe zbardhje të së vërtetës,” ka deklaruar Xhuli Meçaj, duke apeluar për ndalimin e gjuhës së urrejtjes dhe presionit publik mbi palët e përfshira.
Ndërkohë, pritet që institucionet përgjegjëse të vijojnë hetimet për të sqaruar rrethanat e plota të ngjarjes, ndërsa familjarët kërkojnë që çështja të mos shndërrohet në një “gjyq publik”, por të trajtohet sipas ligjit.
