Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
AKTUALITET
Pazar me jetët e pacientëve/ Mbahet sot në GJKKO seanca për mjekët dhe infermierët e repartit Onkologjik
r.llPërditësimi i fundit 24 Korrik 2024, 10:20
TIRANË- Ditën e sotme do të mbahet sot seanca e radhës në GJKKO për 7 mjekët dhe infermierët e spitalit Onkologjik të Tiranës. Sipas raportimeve seanca gjyqësore do të nis në orën 11:00. Mjekët, Edmond Gashi, onkologia Alketa Pere, nëndrejtoresha Brikena Qirjazi dhe katër zyrtarët shtetërorë e privatë do të dalin sot për masën e sigurisë në GJKKO.
Më 18 korrik, Prokuroria e Posaçme, lidhur me skandalin, nisi hetimet për tre veprat penale: kontrabandë ilaçesh, shpërdorim detyre dhe korrupsion. Dy nga veprat penale ishin ngritur edhe nga Prokuroria e Tiranës, e cila shpalli moskompetencë për çështjen, ndërsa me kalimin në SPAK është ngritur edhe një tjetër akuzë ajo e korrupsionit.
SPAK i ka kërkuar GJKKO verfikimin e kushteve për masat e sigurisë ndaj të akuzuarve ku shumica prej tyre janë mjekë të spitalit. Brenda dhjetë ditësh Gjykata e Posaçme Antikorrupsion duhet të caktojë seancën për të hetuarit.
MASAT:
-Edmond Gashi, mjek onkolog në spitalin e Onkologjikut– “Arrest shtëpie” – Shpërdorim detyre
-Alketa Pere Ymeri mjeke onkolog në spitalin e Onkologjikut – “Detyrim paraqitje” – Shpërdorim detyre
-Brikena Qirjazi Ish zv.drejtoreshë e QSUT – “Detyrim paraqitje” – ”Shpërdorim detyre”
Gjykata e Tiranës caktoi 7 masa "arrest shtepie" dhe "detyrim paraqitje" për mjekët e spitalit Onkologjik ku dhe u raportua skandali. Prokuroria e Tiranës ka zbardhur skenën abuzive, në të cilin ishin përfshirë mjekë dhe specialist të Onkologjikut në Qendrën Spitalore Universitare “Nënë Tereza” në Tiranë në bashkëpunim me njëri-tjetrin kanë shpërdoruar detyrën, pasi në vend që të jepnin shërbim për pacientë me sëmundje tumorale, bënin të kundërtën, duke i orientuar ata drejt spitaleve private më qëllim përfitimin ekonomik.
Në njoftim thuhet se nga ana e Prokurorisë u arrit të dokumentohen raste të blerjes së ilaçeve me vlera të konsiderueshme për kimioterapi nga farmaci të cilat këto medikamente i tregtonin pa pullën fiskale dhe me kod të prishur duke krijuar dyshimin në lidhje me autenticitetin e këtyre barnave. Gjithashtu po nga hetimet e kryera ka rezultuar se në Spitalin Onkologjik prej vitit 2021 është instaluar një Aparaturë Kobalto-Terapie për trajtimin e pacientëve të diagnostikuar me sëmundje tumorale, pajisje kjo që mësohet se nuk është shfrytëzuar.
Por skema abuzimit nuk ndalej vetëm me orientimin tek spitali privat në pronësi të një prej të akuzuarve, mjekët në fjalë drejtonin pacientët e tyre edhe për ilaçe në farmaci private. Për këto të fundit nuk përjashtohet mundësia që të jenë furnizuar po nga mjekët e onkologjiku për nxjerrjen e ilaçeve nga spitali për tregtim në farmacitë e tyre private.
