Kancelari i Gjermanisë, Friedrich Merz , ka akuzuar partinë e ekstremit të djathtë Alternative für Deutschland (AfD) se kërkon &...
AKTUALITET
Përgjimet SKY ECC/ Zbardhet skema e pastrimit të parave te “Juvenilja”, leja e ndërtimit e Eldi Dizdarit...
PiranjatPërditësimi i fundit 13 Qershor 2026, 13:25
Dosja hetimore e grupit kriminal të goditur nga SPAK ka zbuluar një skemë të dyshuar të pastrimit të parave përmes investimeve në pasuri të paluajtshme, e lidhur me tokën te Juvenilja pranë stadiumit “Air Albania” në Tiranë. Sipas dosjes, personat nën hetim Adrian Rama, Artur Shehu, Elton Memeti, Alfredo Hamzai dhe Ardian Zykaj dyshohet se kanë kryer veprime juridike të maskuara, përfshirë kontrata dhurimi dhe transaksione të ndryshme, me synim zhvillimin e pronës dhe sigurimin e një lejeje ndërtimi.
Në dosje thuhet se projekti u pengua si pasojë e sekuestrimit të pasurive në vitin 2021, ndërsa nga komunikimet rezulton se të dyshuarit kanë zhvilluar takime edhe jashtë vendit dhe kanë kërkuar informacione nëse po hetoheshin nga autoritetet. Në dosje përmenden gjithashtu komunikime në SKY ECC, ku diskutohet blerja e 300 m² tokë në këtë zonë për 100 mijë euro. Pra personi nën hetim Alfred Hamzai përdorues i Pin 7B9F5E dhe Ardian Zykaj përdorues i Pin AIMCSV komunikojnë në lidhje me blerjen e tokës tek "juvenilja".
Nga tërësia e veprimeve noteriale dhe komunikimeve të kryera rezulton se personat nën hetim Artur Shehu, Adrian Rama, Elton Memeti janë përfshirë në kryerje të veprimeve fillimisht për të zhvilluar pronën, më pas në veprime juridike të maskuara me dhurim, me qëllim që me lidhjet e tyre të mund të nxirrnin leje ndërtimi. Për këtë fakt, rezultuar të dhënave të dërguara nga autoritetet spanjolle dhe ato belge, personat nën hetim kanë kryer edhe takime me njëri-tjetrin jashtë shtetit, në Spanjë dhe në Aruba, ndërsa ata kanë komunikuar edhe në lidhje me takime me funksionarë të lartë shtetërorë.
Nxjerrja e lejes së ndërtimit duket se është penguar nga sekuestrimi që është bërë për pjesën ideale që subjekti Denis Matoshi kishte përfituar me anë të dhurimit, kërkesë e cila ishte dërguar për konfiskim, si dhe fakti që nuk është arritur të revokohej kontrata e lidhur më parë, si dhe pavarësisht këtyre fakteve, grupi kriminal, nëpërmjet personit nën hetim Adrian Rama, ndjek veprimet e kryera edhe në kuadër të ndërtimit të Shkollës së Biçikletave dhe sipas komunikimeve që ai kryen, ai për zhvillimin e saj është në pritje të planeve të zhvillimit.
AIMCSV-7B9F5E: dhe nje gje.ajo toka te juvenilia kan ber gati kontraten.do kalojne 150 m2 ne emrin time.dhe duan nje 50.dhe mbsi te mbaroj kjo.do bejne prape te njeten gje per 150 tjete total 300 per 100 evro
AIMCSV-7B9F5E: po besua ma siguroj qe do ndertohet aty.se i tha rama.dhe toka aty vlene se fitom ne dertim shum fare.
AIMCSV-7B9F5E: kete e kan me certifikate kushurite e adit capricos
Aktualisht në lidhje me këtë prone nuk janë përftuar të dhëna nëse për token janë kryer kryer veprime të tjera për zhvillim të saj, marrë parasysh edhe karakterin sekret të hetimeve, hetim i zhvilluar pa kryer hetime të hapura.
Për të siguruar nxjerrjen e kësaj leje ndërtimi në këtë truall e referuar si "toka tek juvenilja” janë zhvilluar një sërë takimesh ndërmjet personave nën hetim përfshi këtu dhe personin nën hetim Alfredo Hamzai, të rezultuara nga të dhënat e dërguara nga letërporositë belge dhe spanjolle.
