Përgjimi i publikuar nga Piranjat për kandidaten e PS Zegjine Çaushi, Prokuroria e Fierit dërgon kërkesë për materialet audio-vizive

Foto ilustruese

FIER- Prokuroria e Fierit ka dërguar një kërkesë televizionit "Syri TV"në lidhje me një matërial audio-viziv i publikuar tek emisioni "Piranjat".Në kërkesën e dërguar shkruhet se kërkohen materialet audio-vizive të cilat janë publikuar nga emisioni për Zeqine Caushaj.

Më tej në kërkesë theksohet se kërkesa e emisionit dhe televizionit i ndodhet në fazë verifikimi.  Prokuroria e Posaçme ka përfunduar hetimet ndaj kandidates së PS për deputete në qarkun e Fierit Zegjine Çaushi, dhe ka dalë në konkluzionin se nuk është përpara veprës penale “korrupsion aktiv në zgjedhje”, por mund të jetë përpara rastit të konsumimit të 3 veprave të tjera penale që janë në kompetencë të Prokurorisë së Fierit.

Konkretisht bëhet fjalë për dyshimet për kryerjen e veprave penale “Shpërdorimi i detyrës”, “Përdorimit të funksionit publik për veprimtari politike ose zgjedhore” dhe “Kanosje apo dhunim ndaj pjesëmarrësve në zgjedhje”. Për këtë arsye, SPAK ka vendosur që të mos regjistrojë procedim penal për “korrupsion aktiv në zgjedhje”, dhe t'i kalojë dosjen Prokurorisë së Fierit që të kryejë veprime hetimore procedurale për këto 3 vepra penale të tjera.

Bëhet me dije se hetimet e SPAK kanë të bëjnë me një audiopërgjim të publikuar në emisionin Piranjat, ku kandidatja e PS Zegjine Çaushi shfaqet duke kërcënuar një qytetarë dhe duke i bërë presion për votën.

Kërkesa:

REPUBLIKA E SHQIPËRISË

PROKURORIA PRANË GJYKATËS SË SHKALLËS SË PARË TË JURIDIKSIONIT TË PËRGJITHSHËM FIER

Nr. 5956/1 Prot.

Fier, më 13.05.2025

Lenda: Kërkohen materiale audio-vizive.

TELEVIZIONIT "SYRI TV"

EMISIONIT INVESTIGATIV "PIRANJAT"

TIRANË

Në vijim të shkresës tonë nr. 5956 prot, datë 07.05.2025 dhe emailit Tuaj datë 13.05.2025, ju sqarojmë se kërkesa për materialet audio-vizive të shfaqura nga emisioni "Piranjat", ka lidhje me denoncimin ndaj shtetases Zeqine Caushaj. "Ju bëjmë me dije, se kallëzimi ndodhet në fazë verifikimi. Duke ju falenderuar për bashkëpunimin!

DREJTUESI I PROKURORISE ELION MUSTAFAJ

zenqine caushaj piranjat