Përplasi motomjetin dhe u largua nga vendi i aksidentit, arrestohet shoferi i automjetit në Elbasan, policia i sekuestron Benzin

ELBASAN- Drejtuesi i automjetit i cili përplasi një motomjet dhe u largua nga vendngjarja është arrestuar ditën e sotme në Elbasan. Aksidenti ndodhi më 7 shtator në lagjen "28 Nëntori", ku automjeti tip Benz i drejtuar nga 62-vjeçari H.O përplasi motomjetin e drejtuar nga 45-vjeçari A.B.

62-vjeçari u largua nga vendngjarja, ku nga përplasja mbetën të dëmtuar drejtuesi dhe pasagjerja e motomjetit. Policia arrestoi ditën e sotme 62-vjeçarin si dhe i sekuestroi atij automjetin që drejtonte në momentin e aksidentit.

Njoftimi i policisë:

Përplasi një motomjet dhe u largua nga vendi i aksidentit, identifikohet, kapet dhe arrestohet drejtuesi i automjetit.

Gjendet dhe sekuestrohet automjeti tip “Benz”.

Si rezultat i veprimeve intensive hetimore dhe procedurale të kryera me zbardhjen e rrethanave të një aksidenti të ndodhur më datë 07.09.2024, në lagjen "28 Nëntori", ku u përplasën një automjet me një motomjet, specialistët e Sektorit të Qarkullimit Rrugor bënë të mundur identifikimin, kapjen dhe arrestimin e drejtuesit të automjetit, shtetasit H. O., 62 vjeç.

Nga veprimet hetimore dyshohet se ky shtetas, mbrëmjen e datës 07.09.2024, në lagjen "28 Nëntori", duke drejtuar automjetin, ka përplasur motomjetin me drejtues shtetasin A. B., 45 vjeç, banues në Elbasan, dhe më pas është larguar nga vendi i aksidentit. Si pasojë e aksidentit janë dëmtuar drejtuesi i motomjetit dhe pasagjerja, të cilët janë jashtë rrezikut për jetën.

Në vijim të veprimeve procedurale u referuan materialet në Prokurori ku nisi procedimi në gjendje të lirë për drejtuesin e motomjetit, shtetasin A. B., 45 vjeç, pasi nuk ishte i pajisur me leje drejtimi.

Në cilësinë e provës materiale u sekuestrua automjetin tip “Benz” që drejtonte 62-vjeçari, në momentin e aksidentit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

elbasan