Përshtatën hotelin për ushtrimin e prostitucionit, arrestohen dy vëllezër në Rrogozhinë

foto ilustruese

RROGOZHINË- Arrestohen katër persona në flagrancë në Durrës. Mësohet se dy vëllezërit F. H 62 vjeç dhe Sh. H 55 vjeç, kishin përshtatur hotelin e tyre në Rrogozhinë për veprimtarinë e prostitucionit.

Gjithashtu janë arrestuar edhe dy vajza të moshave 39 dhe 30 vjeç, të cilat ushtronin prostitucionin në atë hotel. Me rastin do të merret Prokuroria Durrës.

Njoftimi i Policisë:

Durrës/Pas disa javësh hetime me metoda proaktive, për një rast të shtrytëzimit të prostitucionit, u finalizua operacioni i koduar “Sunset”. Kishin përshtatur hotelin e tyre, në Rrogozhinë, për veprimtarinë e kundërligjshme të prostitucionit, vihen në pranga 2 shtetas (vëllezër).

Vihen në pranga edhe 2 shtetase që ushtronin prostitucionin në këtë hotel. Sekuestrohen hoteli në pronësi 2 vëllëzërve dhe një shumë parash e dyshuar e përfituar nga veprimtaria e paligjshme.

Si rezultat i hetimeve të kryera për disa javë, më metoda proaktive, në drejtimin e Prokurorisë, për një rast të shtrytëzimit të prostitucionit, Seksioni për Hetimin e Krimeve dhe Trafiqeve të Paligjshme finalizoi operacionin e koduar “Sunset”, si rezultat i të cilit u arrestuan në flagrancë shtetasit:

F. H., 62 vjeç dhe Sh. H., 55 vjeç, të dy banues në Rrogozhinë, për veprat penale “Shfrytëzimi i prostitucionit” dhe “Mbajtja e lokaleve për prostitucion”, të kryera në bashkëpunim;

Q. T., 39 vjeçe dhe D. M., 30 vjeçe, banuese në Durrës, për veprën penale “Prostitucioni”.

Nga veprimet hetimore dyshohet se vëllezërit F. H. dhe Sh. H. kishin përshtatur ambientet e hotelit në pronësi të tyre, në Rrogozhinë, për veprimtarinë e kundërligjshme të prostitucionit që kryhej nga shtetaset Q. T. dhe D. M.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

durres rrogozhine prostitucion

rrogozhinë