Presidenti amerikan, Donald Trump, ka hedhur poshtë kritikat se lufta me Iranin zbuloi kufijtë e aftësisë së tij për të ush...
AKTUALITET
Peshku helmues sërish në ujërat e Vlorës, specialistët ngrenë alarmin: Kujdes, të merr jetën
PiranjatPërditësimi i fundit 1 Maj 2026, 15:00
Sipas specialistit te zonave te mbrojtura Nexhip Hysolakoj, vetëm gjatë 2-3 muajve të fundit janë regjistruar tre raste kapjesh, me një rritje të dukshme në përmasa. Rasti më i fundit përfshin një individ rreth 55 cm të gjatë dhe me peshë rreth 1.6 kg – përmasa që tregojnë se kemi të bëjmë me ekzemplarë të rritur dhe potencialisht më të rrezikshëm.
Ky zhvillim është veçanërisht shqetësues për shkak të mungesës së informacionit tek peshkatarët dhe konsumatorët. Në disa raste, ky peshk është quajtur nga vetë peshkatarët si “peshku top”, pa pasur dijeni për rrezikun ekstrem që paraqet. Konsumimi i tij, edhe në sasi shumë të vogla, mund të çojë në paralizë, dështim të frymëmarrjes dhe në raste të rënda, humbje jete.
Ekspertët theksojnë se ky është një ndër llojet më të rrezikshme për shëndetin e njeriut që është shfaqur në ujërat tona. Për këtë arsye, rekomandohet që çdo rast kapjeje të trajtohet me kujdes maksimal dhe individët të mos konsumohen në asnjë rrethanë.
Rritja e pranisë së kësaj specieje lidhet me disa faktorë, përfshirë hyrjen e specieve invazive përmes Kanalit të Suezit dhe ndryshimet klimatike që po ndikojnë ndjeshëm në ekosistemet detare të Mesdheut dhe Adriatikut.
Ndërkohë peshkatari Viktor Koçaj tregon se kjo specie është hasur edhe më herët në ujërat tona, por jo me këto përmasa dhe jo kaq shpesh sa në muajt e fundit.
“E kemi parë edhe vite më parë, por jo si tani. Kohët e fundit është shfaqur më shpesh, por kjo madhësi është e pazakontë për ne. Është hera e parë që na bie në rrjet një ekzemplar kaq i madh,”
Për shkak të rrezikshmërisë së lartë, peshkatarët tregojnë se marrin masa mbrojtëse gjatë kontaktit me këtë peshk.
“Përdorim dorashka, sepse sipas biologëve është shumë helmues. Nëse ke ndonjë plagë në dorë apo kontakt të drejtpërdrejtë, mund të jetë i rrezikshëm,” shton ai.
“Është i pakonsumueshëm. Nuk e përdorim për ushqim në asnjë rast për shkak të rrezikut që paraqet për shëndetin.”
“Më përpara e kemi kapur në thellësi 35-40 metra dhe në përmasa më të vogla. Këtë herë u kap në rreth 15 metra dhe ishte shumë më i madh. Kjo është vërtet e pazakontë.”
Peshku pritet të dërgohet për studim nga specialistët, ndërsa rasti konsiderohet një sinjal për rritjen e pranisë së specieve të rrezikshme në ujërat shqiptare. /TCH
