Bordi i Transparencës ka vendosur sot (4 qershor) çmimet e reja për shitjen e karburanteve në treg.
Sipas njoftimit, nafta ësht&eu...
AKTUALITET
Pesticide mbi normë në tregun shqiptar, bllokohet pjeshka dhe rrushi i kuq nga Greqia
PiranjatPërditësimi i fundit 24 Shtator 2025, 16:26
Autoriteti Kombëtar i Ushqimit ka konstatuar praninë e mbetjeve të pesticideve mbi normat e lejuara në dy produkte të importuara nga Greqia: pjeshkë dhe rrush të kuq francez, duke ngritur shqetësime serioze për sigurinë ushqimore.
Gjatë kontrolleve zyrtare, pjeshkat rezultuan me mbetje të larta të pesticidit Phosmet, një substancë e ndaluar mbi nivelet e lejuara nga legjislacioni evropian. Si pasojë, AKU ka urdhëruar operatorin e biznesit ushqimor të njoftojë të gjitha subjektet ku është shpërndarë produkti, si dhe të organizojë tërheqjen e tij nga tregu nëse është ende i disponueshëm.
Në një rast tjetër, rreth 800 kg rrush i kuq francez, gjithashtu i importuar nga Greqia, u kap nga inspektorët e AKU-së në një supermarket në qytetin e Lezhës. Analizat laboratorike zbuluan praninë e pesticidit Propamocarb në nivele të papranueshme për konsum njerëzor. AKU ka ndërhyrë menjëherë duke bllokuar sasinë e mbetur në treg dhe ka nisur procedurat për asgjësimin e plotë të produktit të ndotur.
Të dy rastet janë klasifikuar me risk për shëndetin e njeriut dhe janë raportuar zyrtarisht në Sistemin Evropian të Alarmit të Shpejtë për Ushqimin dhe Ushqimin për Kafshët (RASFF).
