Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
AKTUALITET
Pjesë e organizatës kriminale në Greqi, kush janë katër shqiptarët me një sërë precedentësh penalë në të shkuarën?
S.BPërditësimi i fundit 16 Korrik 2024, 18:02
EVIS SHYTI DHE GENI ÇATO
GREQI- Policia greke ka bërë të mundur shkatërrimin e një organizate kriminale në Greqi. Anëtarët e organizatës kryenin disa lloje të ndryshme veprash penale si shpërthime, zjarrvënie, plagosje, falsifikime, vjedhje e trafik droge.
Mësohet se mes 17 personave, janë arrestuar edhe shqiptarët Xhorxhi Gjoka 43 vjec, Evis Shyti 40 vjec, Geni Cato 37 vjec nga Përmeti dhe Marsel Stafaj 36 vjec nga Tirana. Shqiptarët e arrestuar rezultojnë pjesëmarrës në disa prej episodeve të zbuluara nga policia greke.
Evis Shyti 40 vjeç, ka qenë shoqërues i parë i kumbarit Manolis Karagiannis, i vrarë më 27/6/2018, në orën 10 në mëngjes, në P. Faliro. Karagiannis, i cili pati një armiqësi të ashpër me “Kumbarin e Kumbarëve” Vassilis Stefanakos, konsiderohet nga autoritetet si krimineli famëkeq që qëndron pas vrasjes së oficerit të forcave speciale EKAM, Spyros Papachristou. Shyti përdor gjashtë emra të ndryshëm si Evis, Ervis, Kostas, Konstantinos, Kristo dhe Ilia si dhe mbiemrat Shyti, Rushiti, Boukouvalas dhe Prifti. Evis Shyti përdor një pasaportë me gjeneralitetet Kristo Prifti i datëlindjes 05.06.1984, e cila në fakt rezulton e falsifikuar dhe i përket një vajze shqiptare të mitur të datëlindjes 2017.
Evis Shyti rezulton i arrestuar në 2007 për shkelje të ligjit “Për automjetet e pasiguruara”, në 2011 është akuzuar për “organizatë kriminale”, “vrasje”, “tentativë vrasje”, “zhvatje”, “grabitje”, “tentativë mashtrimi”, “pastrim i produkteve të veprës penale”, në 2013 është arrestuar për “armëmbajtje pa leje”, në 2014 është akuzuar për “vjedhje”, “grabitje”, “zjarrvënie”, “falsifikim”, “armëmbajtje pa leje”, në 2022 është akuzuar për “vjedhje”, në 2023 është akuzuar për “grabitje” dhe “armëmbajtje pa leje” për dy grabitje me armë në dyqanet “AB SHOP & GO” në Palio Faliro dhe në 2024 është arrestuar për “shpërthim eksplozivi”, “prodhim dhe mbajtje të lëndëve eksplozive”, “zhvatje”, “armëmbajtje pa leje” dhe “dëmtim pasurie”.
Geni Cato 37 vjeç, rezulton i arrestuar në 2011 për “prishje të qetësisë në familje”, “hyrje dhe qëndrim i paligjshëm në Greqi”, “rezistencë ndaj policisë”, “falsifikim” dhe “shkelje të ligjit mbi emigrantët”, në 2012 është arrestuar për “vjedhje”, në 2013 është arrestuar për “armëmbajtje pa leje”, “tentativë vjedhje”, “vjedhje” rezistencë ndaj policisë” dhe “shkelje të ligjit mbi emigrantët”, në 2014 është arrestuar pasi ishte dënuar me 9 muaj burg për “armëmbajte pa leje”, “rezistencë ndaj policisë” dhe “shkelje të ligjit mbi emigrantët” dhe disa muaj më pas është arrestuar sërish për “organizatë kriminale”, “zhvatje”, “armëmbajtje pa leje”, “shkelje e ligjit mbi drogën”, “shkelje të ligjit për pastrimin e parave dhe financimin e terrorizmit”, në 2015 është arrestuar për një dënim prej 2 vite burg për “dëshmi e rreme” dhe pas disa muajsh edhe për “vjedhje”, në 2017 është akuzuar për një vjedhje banese të kryer në 2015 dhe po në të njëjtin vit është akuzuar për “shkelje të rregullave të qarkullimit rrugor”, në 2018 është arrestuar për “dëshmi të rreme”, në 2019 është arrestuar për “falsifikim dokumentash”, “falsifikim”, vjedhje”, “grabitje”, “armëmbajtje pa leje” dhe “shkelje të ligjit mbi drogën”, në 2020 është akuzuar për “armëmbajtje pa leje” dhe “shkelje të ligjit mbi drogën”, në 2022 është arrestuar për “shkelje të ligjit mbi drogën” dhe në 2024 për “shpërthim eksplozivi”, “prodhim dhe mbajtje të lëndëve eksplozive”, “dëmtim prone” dhe “armëmbajtje pa leje”.
Marsel Stafaj 36 vjeç, rezulton i arrestuar në 2006 për “shkelje të rregullave të qarkullimit rrugor”, në 2013 për “shfrytëzim pa leje të biznesit” dhe “armëmbatje pa leje” dhe në 2024 për “organizatë kriminale” dhe “shkelje të ligjit mbi drogën”.
Xhorxhi Gjoka alias Jorgo Gjoka 43 vjeç, rezulton i arrestuar në 2000 dhe 2001 për “shkelje të rregullave të qarkullimit rrugor”, në 2003 për “armëmbajtje pa leje” dhe në 2011 për “grabitje dhe krijim organizate kriminale” dhe “armëmbajtje pa leje”.
