Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
AKTUALITET
Plagosën për vdekje Van Koxhën/ Gjykata italiane lë në burg dy shqiptarët, në kërkim edhe dy të tjerë (EMRAT)
n.fPërditësimi i fundit 2 Dhjetor 2024, 15:02
Koxha
ITALI- Autorët e vrasjes së shqiptarit Van Koxha janë lënë në burg. Gjykata në Itali ka lënë në burg dy shqiptarët të cilët akuzohen se vranë mbrëmjen e 25 nëntorit Koxhën në Marghera. Policia ka shpallur në kërkim dhe dy persona të tjerë, që dyshohet se kanë gisht në ngjarje. Dy shqiptarët e arrestuar janë Adnan Ramadani, 30 vjeç dhe Imer Imeri, 49 vjeç.
Ndaj Ramadanit rëndon akuza e “vrasjes me paramendim”, si dhe “armëmbajtja pa leje”. Imeri akuzohet për përfshirje në grindje. Ramadani ka shfrytëzuar të drejtën për të mos u përgjigjur në gjykatë. Bashkëpunëtori i dyshuar ka deklaruar se nuk ka marrë pjesë në grindje, por se thjesht ka qenë afër. Pas ngjarjes, dy të dyshuarit janë parë duke ikur me vrap, ndërsa dyshohet se kanë dashur të fshehin edhe një thikë.
Avokati mbrojtës i të pandehurve ka deklaruar se Imeri çalon, ndaj e ka pasur të pamundur të përfshihej në sherr. Përcaktuese mund të jetë autopsia, e cila do të kryhet nga mjeku kompetent, si dhe ekzaminimi i armës së sekuestruar nga Adnan Ramadani, një thikë kuzhine 13 cm, e cila nuk ka pasur gjurmë të gjakut. Van Koxha dhe vëllai i tij janë sulmuar brutalisht me armë të ftohta. 41-vjeçari mori plagë të thella në gjoks e në qafë dhe nuk arriti tu mbijetonte plagëve.
