Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
AKTUALITET
Plagosja e 15-vjeçarit në Maliq/ Flet gjyshi i të miturit: Djali kishte bërë vetëm një shaka! Të dyja familjet po negociojnë që ky debat midis tyre të mbyllet
e. dPërditësimi i fundit 22 Maj 2025, 16:30
MALIQ- Gjyshi i 15-vjeçarit të plagosur disa ditë më parë në Maliq ka folur për ngjarjen dhe ka dhënë disa detaje. Duke folur për emisionin me “Zemër të Hapur” në News24, gjyshi ka deklaruar se aktualisht gjendja e nipit është e mirë dhe ndodhet drejt përmirësimit. Gjyshi i 15-vjeçarit tregoi se ditën e ngjarjes nipi kishte shkuar në shkollë dhe kur ishte kthyer kishte bërë një shaka dhe kishte buzëqeshur kundrejt autorit. Më tej ai shtoi se autori i ngjarjes kishte shkuar në shtëpi dhe kishte marrë thikën duke shkuar tek vendi ku ndodhej 15-vjeçari duke e goditur me thikë.
Ndër të tjera gjyshi theksoi se nipi nuk e kishte paramenduar se do të goditej nga bashkëmoshtari. Gjatë fjalës së tij, ai tha se familja e autorit nuk ka kërkuar falje në momentin e incidentit, por ka ndodhur pasi kishin marrë vesh se i mituri ishte jashtë rrezikut për jetën. Po ashtu gjyshi deklaroi se të dyja familjet aktualisht po negociojnë për mbylljen e debatit mes dy të rinjve në mënyrë që ata të jenë përsëri shokë.
“Gjendja aktuale e nipit është e mirë. Ditën e ngjarjes si zakonishtë djali kishte shkuar në shkollë dhe pasi kishte dalë do të dilte si zakonisht për xhiro. Kur kishte kaluar rrugën djali kishte qeshur dhe kishte bërë një shaka, por djali tjetër kishte qënë i ngarkuar moralisht dhe aty nuk i kishte thënë gjë nipit. Pastaj ai kishte shkuar në shtëpi dhe kishte marrë thikën dhe kishte dalë përsëri duke shkuar tek nipi ndërkoh që ai po qëndronte me shokun e tij duke i thënë që të përsëriste atë shakanë që kishte thënë disa minuta më parë.
Nipi nuk e kishte paramenduar se do të goditej nga autori dhe shoku që ishte me të e ka ndihmuar duke e sjellur në shtëpi. Pasi ka mbërritur, familja e ka dërguar në spitalin e Korçës. Familja e autorit nuk ka kërkuar falje në momentin e incidentit, por pasi ka zbuluar se djali ishte jashtë rrezikut për jetën.Të dyja familjet po negociojnë që ky debat midis tyre të mbyllet dhe ata të jenë përsëri shokë pa patur paragjykime”, përfundoi gjyshi i të miturit.
