Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
AKTUALITET
Plagosja e Elvis Halilajt në Kukës/ Arrestohen tre persona, 30-vjeçari dyshohet si bashkëpunëtor i ngjarjes, dy të tjerët e ndihmuan të fshihej
n.fPërditësimi i fundit 25 Shkurt 2025, 14:47
KUKËS- Një 30-vjeçar është vënë në pranga në lidhje me plagosjen e 29-vjeçarit Elvis Halilaj në Kukës. Plagosja u regjistrua më 19 shkurt ndërsa autori Sebastian Muçmata është lënë në burg pasi u vetëdorëzua në polici. 30-vjeçari i arrestuar është vënë në pranga pasi dyshohet si bashkëpunëtor i ngjarjes.
Policia bën me dije se janë arrestuar edhe dy persona që shoqëronin 30-vjeçari pasi akuzohen se kanë ndihmuar atë të fshihej. I arrestuari akuzohet për eprat penale “Vrasja me paramendim”, mbetur në tentativë, kryer në bashkëpunim dhe “Prodhimi dhe mbajtja pa leje e armeve, armëve shpërthyese dhe municionit”. Ndërsa 28-vjeçari dhe 34-vjeçari akuzohen për veprën penale “Përkrahja e autorit të krimit”. Materialet procedurale i kaluan Prokurorisë së Kukësit, për veprime të mëtejshme.
Kukës/Vijojnë veprimet hetimore dhe operacionale për zbardhjen e plotë të autorësisë së plagosjes së shtetasit E. H., më datë 19.02.2025. Kapet në Tiranë, nga shërbimet e Forcës së Posaçme Operacionale të DPPSH, dhe vihet në pranga një 30-vjeçar, i dyshuar si bashkëpunëtor për këtë plagosje.
Vihen në pranga, për përkrahje të autorit të krimit, 2 shtetas të cilët dyshohen se kanë ndihmuar 30-vjeçarin, për t’u fshehur. Në vijim të veprimeve intensive hetimore dhe operacionale të kryera në drejtimin e Prokurorisë së Kukësit, për dokumentimin e plotë të rrethanave të ngjarjes së ndodhur më datë 19.02.2025 në Kukës, ku u plagos me armë zjarri gjatë një konflikti për motive të dobëta, shtetasi E. H., shërbimet e DVP Kukës kanë siguruar informacion mbi vendndodhjen e autorit tjetër të këtij rasti.
Në bazë të këtyre informacioneve, shërbimet e Forcës së Posaçme Operacionale të DPPSH kanë lokalizuar dhe kapur në Tiranë, shtetasin në kërkim Z. M. dhe shtetasit E. A. dhe G. P., që e shoqëronin. Në vijim të veprimeve procedurale, Seksioni për Hetimin e Krimeve të Rënda i DVP Kukës arrestoi shtetasit:
Z. M., 30 vjeç, banues në Kukës, për veprat penale “Vrasja me paramendim”, mbetur në tentativë, kryer në bashkëpunim dhe “Prodhimi dhe mbajtja pa leje e armeve, armëve shpërthyese dhe municionit”; E. A., 34 vjeç dhe G. P., 28 vjeç, të dy banues në Tiranë, për veprën penale “Përkrahja e autorit të krimit”. Materialet procedurale i kaluan Prokurorisë së Kukësit, për veprime të mëtejshme.
Ngjarja ndodhi disa ditë më parë në fshatin Bicaj të Kukësit. Sebastian Muçmata, vëllai i Zenel Muçmata, i cili mban postin e drejtorit të shërbimeve në Bashkinë e Kukësit ka plagosur me armë zjarri Elvis Halilaj, i cili është dhe kushëri i kryetarit të Bashkisë Kukës, Albert Halilaj. Plumbi e ka kapur të riun (Elvis Halilajn) në fundshpinë dhe fatmirësisht nuk i ka dëmtuar asnjë organ të brendshëm, ai është transportuar në spital dhe ndodhet në kujdesin e mjekëve. Ndërkohë autori 25-vjeçar disa orë pas ngjarjes u vetëdorëzua në polici ku ka dorëzuar edhe armën e krimit dhe ka dhënë versionin e tij mbi ngjarjen.
