Një shpërthim me lëndë të dyshuar plasëse është regjistruar në orët e para të mëngjesit të so...
AKTUALITET
Plagosja e tre kushërinjve në Thumanë, reagon polici i përfshirë në ngjarje: Qëllova për vetëmbrojtje, ata kanë qëlluar të parët!
n.fPërditësimi i fundit 26 Korrik 2024, 13:12
Foto ilustruese
THUMANË- Një konflikt mes kushërinjve ka agravuar mbrëmjen e djeshme në Thumanë e cila degradoi deri në përdorimin e armëve. Nga ngjarja u plagosën tre persona ndërsa ngjarja ka ndodhur në afërsi të një fabrike çimentoje në Mamurras, gjatë një konflikti për motive pronësie.
Nga të shtënat kanë mbetur të plagosur një punonjës policie dhe dy të tjerë. Tre të plagosurit mësohet se janë kushërinj më njëri-tjetrin ndërsa nga zbardhja e dinamikës së ngjarjes u bë me dije se Fatos Sela së bashku me vëllezërit e tij ishin duke kryer punime për rrethimin e një sipërfaqe toke, e cila pretendohet edhe nga kushërinjtë e tyre.
Mësohet se në vendngjarje ka mbërritur më pas efektivi i Policisë Rrugore Sahit Ahmetaj (Sela), i cili fillimisht ka debatuar me kushërinjtë e tij, njëherazi edhe fqinj. Debati mes tyre ka agravuar shpejt dhe efektivi i policisë, i cili sipas autoriteteve ishte jashtë shërbimit ka qëlluar me armë zjarri në drejtim të palës tjetër. Më pas kushërinjtë e tij kanë qëlluar po ashtu me armë zjarri duke iu kundër përgjigjur.
Ndërkohë punonjësi i policisë, Sahit Sela, pretendon se ka qëlluar për vetëmbrojtje, pasi kanë qenë kushërinjtë e tij ata që kanë qëlluar të parët. Sahiti u transportua drejt Spitalit të Traumës ditën e djeshme në Tiranë, së bashku me Ardianin, ndërsa Fatos Sela u dërgua në spitalin e Laçit.
