Konsumimi i mishit të pulës me antibiotik përbën një rrezik serioz për shëndetin e njeriut, pasi mbetjet e medikamenteve ve...
AKTUALITET
Plagosja me armë në Krumë, vetëdorëzohet 30-vjeçari, i sekuestrohen pistoleta dhe kallashnikovi
PiranjatPërditësimi i fundit 9 Shtator 2026, 12:54
Një 30-vjeçar me inicialet F. D., banues në Krumë, është arrestuar nga Policia e Kukësit, pasi dyshohet se ka plagosur me armë zjarri një 28-vjeçar.
Ngjarja ndodhi më 8 shtator, në rrugën e quajtur “Kryqëzimi i Spitalit”, në Krumë, pas një konflikti për motive të dobëta. Sipas Policisë, F. D. dyshohet se ka qëlluar me armë në këmbë shtetasin J. A., 28 vjeç, i cili ndodhet jashtë rrezikut për jetën.
Pas ngjarjes, 30-vjeçari u largua nga vendi, por pas kërkimeve të Policisë dhe negociatave me familjarët, u vetëdorëzua në Drejtorinë Vendore të Policisë Kukës, duke dorëzuar edhe pistoletën që dyshohet se përdori në plagosje.
Gjatë kontrolleve në automjet dhe banesë, Policia sekuestroi gjithashtu një kallashnikov, dylbi, antiplumb dhe municion luftarak.
Pas një pune intensive kërkimore, pamundësisë për t’u fshehur dhe negociatave me familjarët, vetëdorëzohet autori i dyshuar i plagosjes së 29-vjeçarit, ditën e djeshme, në Krumë.
Sekuestrohet arma e zjarrit, pistoletë, me të cilën dyshohet se autori kreu plagosjen.
Gjatë kontrollit në automjet dhe në banesë, Policia gjen dhe sekuestron një armë zjarri kallashnikov, një dylbi, një antiplumb dhe municion luftarak.
Specialistët e Sektorit për Krimet e Rënda në DVP Kukës, në bashkëpunim me Specialistët për Hetimin e Krimeve në Komisariatin e Policisë Has, bënë arrestimin e shtetasit F. D., rreth 30 vjeç, banues në Krumë, për veprat penale “Plagosja e rëndë me dashje” dhe “Mbajtja pa leje e armëve dhe municioneve luftarake”.
Arrestimi i tij u bë pasi, më datë 08.09.2026, në rrugën e quajtur “Kryqëzimi i Spitalit”, në Krumë, pas një konflikti për motive të dobëta, dyshohet se ky shtetas ka plagosur me armë zjarri, në këmbë, shtetasin J. A., 28 vjeç, i cili ndodhet jashtë rrezikut për jetën.
Pas ngjarjes, autori i dyshuar është larguar nga vendi i ngjarjes. Si rezultat i punës së pandërprerë të Policisë dhe negociatave me familjarët e tij, shtetasi F. D. është vetëdorëzuar në Drejtorinë Vendore të Policisë Kukës, së bashku me armën e zjarrit, e dyshuar si arma e përdorur në kryerjen e plagosjes, e cila u sekuestrua në cilësinë e provës materiale.
Veprimet procedurale vijojnë nën drejtimin e Prokurorisë, për dokumentimin e plotë të ngjarjes.
