Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Plagosje me thikë në Berat/ Policia: Konsumuar alkool, e pëson autori
E.DPërditësimi i fundit 25 Korrik 2024, 09:28
BERAT- Policia e Beratit ka dhënë detaje në lidhje me plagosjen mbrëmë të një 40-vjeçari. Mësohet se autori dhe i plagosuri, pasi kanë konsumuar alkool, janë konfliktuar brenda ambienteve të lokalit, fillimisht me fjalë dhe më pas konflikti ka degjeneruar në grushta e shkelma jashtë ambienteve të këtij biznesi, derisa 42-vjeçari Elton Cani e ka qëlluar me thikë 40-vjeçarin Leonard Duka.
Saktësisht ngjarja ndodhi në fshatin Lapardha 2. Gjithashtu Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
Njoftimi i Policisë:
Komisariati i Policisë Berat referoi materialet në Prokurori, ku nisi procedimi në gjendje të lirë për shtetasin E. C., 42 vjeç, banues në fshatin Lapardha, pasi mbrëmjen e djeshme, pas një konflikti të çastit, ka dëmtuar lehtë, me mjet prerës (thikë), shtetasin L. D., 40 vjeç, banues në fshatin Lapardha.
Policia referoi materialet në Prokurori, ku nisi procedimi në gjendje të lirë për shtetasin K. M., 62 vjeç, banues në Berat, pasi ka kanosur me mjet prerës (biçak), shtetasin F. R., 40 vjeç, banues në Vlorë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
