Kryeministri Edi Rama ka publikuar një pasqyrë të protestave në disa vende, ku përfshihet edhe Shqipëria, duke krahasuar numrin e ...
AKTUALITET
Plagosje në Korçë, i mituri godet me thikë 34-vjeçarin, ja si nisi konflikti
PiranjatPërditësimi i fundit 4 Shkurt 2026, 18:31
Një konflikt i ndodhur në një lokal në qytetin e Korçës ka degraduar në dhunë me thikë, duke lënë të plagosur një person. Sipas informacioneve paraprake, autori i ngjarjes është një 17-vjeçar, ndërsa i dëmtuari është një 34-vjeçar.
Burime nga policia bëjnë me dije se 34-vjeçari ka pësuar dëmtime në dorë nga mjeti prerës dhe është transportuar në spital, ku po merr ndihmë mjekësore dhe ndodhet jashtë rrezikut për jetën. Mësohet se ai ishte kthyer vetëm pak ditë më parë në Shqipëri, pasi jetonte prej kohësh në Greqi.
Paraprakisht dyshohet se shkak i konfliktit ka qenë një përplasje e mëparshme mes palëve, e cila ka agravuar në përdorimin e mjetit mprehës. Autori i mitur është shoqëruar dhe ndodhet aktualisht në komisariatin e Policisë së Korçës, ndërsa grupi hetimor po punon për zbardhjen e plotë të rrethanave të ngjarjes.
Korçë/Informacion paraprak
Në lagjen nr.4, Korçë, gjatë një konflikti dyshohet se shtetasi P. K., ka dëmtuar në dorë me mjet prerës (thikë) shtetasin B. Q., rreth 37 vjeç, banues në Korçë, i cili aktualisht ndodhet në spitalin e Korçës, jashtë rrezikut për jetën.
Shërbimet e Policisë kanë kapur dhe shoqëruar në ambientet e komisariatit për veprime të mëtejshme autorin e dyshuar të ngjarjes, shtetasin P. K.
Grupi hetimor në bashkëpunim me Prokurorinë po punon për dokumentimin ligjor të rastit dhe sqarimin e plotë të rrethanave të ngjarjes.
