Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Policia kërkon të mos bllokohen rrugët, Bardhi: Eshtë detyra juaj që të siguroni që protesta të zhvillohet dhe qarkullimi të devijohet
r.llPërditësimi i fundit 23 Dhjetor 2024, 17:21
protesta
TIRANË- Policia iu ka bërë thirrje protestuesve të mos bllokojnë qarkullimin e rrugëve. Kreu i Grupi Parlamentar të PD-së, Gazment Bardhi tha se është e drejta e tyre të protestojnë, ndërsa tha po ashtu se është detyrim i policisë që të sigurojë të drejtat e dy palëve.
"Policia duhet të sigurojë që të drejtat e dy palëve të respektohen. Edhe protesta duhet lejuar dhe qarkullimin ta devijojnë. Nuk jemi për të bllokuar qytetarët, jemi në të drejtën tonë për të protestuar. Qyetarët po protestojnë për varfërine e tyre. Ne jemi me policinë e shtetit në luftë me krimin e organizuar. Por jo me këto që janë kundër zhvillimit të protestave", tha Bardhi.
Protesta e sotme shënon dhe herën e parë, pas gati një viti të pjesëmarrjes së kreut të PD-së, Sali Berisha, mes mbështetësve në tubime. Opozita do të bllokojë sërish sot rrugët e Tiranës për rreth 3 orë. Konkretisht janë bllokuar kryqëzime si Unaza e vogël, rrethrrotullimi i Zogut të Zi, ura afër xhamisë në Rrugën e Elbasanit, sheshi “Wilson” dhe nga Pallati me Shigjeta drejt Rrugës së Kavajës. Ndërkohë lidhur me protestën, policia ka angazhuar në terren rreth 1400 forca policore, që do të jenë të shpërndara në 5 pikat ku protestuesit do të mblidhen. Kjo është protesta e 4 në kuadër të mosbindjes civile që zhvillon opozita prej muajit shtator.
