Pas ditëve të nxehta me temperatura mbi 40 gradë Celsius, fundjava do të kthehet në vlerat tipike të muajit gusht.
Gjatë m...
AKTUALITET
Politologia nga diaspora denoncon: Mamaja erdhi për pushime por u sëmur, urgjenca nuk i përgjigjej
PiranjatPërditësimi i fundit 14 Gusht 2026, 20:41
Një e re me profesion politologe, e cila jeton në Gjermani, iu bashkua protestës para Kryeministrisë, duke treguar një përvojë personale që, sipas saj, dëshmon problemet me të cilat përballen qytetarët në Shqipëri.
Ajo tha se babai i saj ishte larguar nga vendi për shkak të korrupsionit, ndërsa rrëfeu edhe një situatë të rëndë që i kishte ndodhur së fundmi nënës së saj gjatë qëndrimit në Shqipëri.
Sipas politologes, e ëma ishte sëmurur dhe kishte pasur disa kriza, por telefonatat e saj për ndihmë mjekësore nuk kishin marrë përgjigje.
“Mamaja ime sot është në Shqipëri për pak ditë pushime. Por u sëmur. Kishte shumë kriza. I binte numrit të ambulancës dhe askush nuk i përgjigjej. Unë isha në Gjermani shumë në ankth”, tregoi ajo.
E reja tha se, e shqetësuar për gjendjen e nënës, u detyrua të kërkonte ndihmë nga Gjermania.
“Nga Gjermania më është dashur të thërras ambulancën për ndihmën e shpejtë, për të shpëtuar një jetë. Mamaja ishte vetëm dhe gjëja e parë që më thanë ishte: ‘Pse e keni lënë mamanë vetëm?’”, u shpreh ajo.
Përmes këtij rrëfimi, politologia tha se ka zgjedhur t’i bashkohet protestës dhe kërkesës së qytetarëve për ndryshim dhe largimin e qeverisë së Edi Ramës.
