Pas ditëve të nxehta me temperatura mbi 40 gradë Celsius, fundjava do të kthehet në vlerat tipike të muajit gusht.
Gjatë m...
SPORT
Tragjedi në çiklizëm/ 19-vjeçari humb jetën në garë
PiranjatPërditësimi i fundit 14 Gusht 2026, 23:40
Çiklisti britanik Finlay Tarling ka humbur jetën pas një aksidenti të ndodhur gjatë fazës së tetë të garës Volta a Portugal. Lajmin e ka bërë të ditur të premten ekipi i tij.
Tarling, 19 vjeç, ishte një çiklist uellsian dhe specialist i garave me kohëmatës, i cili vitin e kaluar ishte bashkuar me Ekipin e Zhvillimit të NSN.
“Me zemër të thyer njoftojmë ndarjen nga jeta të Finlay Tarling në Volta a Portugal sot”, tha ekipi i tij.
“Fin ishte një anëtar shumë i dashur i ekipit tonë, por më e rëndësishmja, ai ishte një bir, një vëlla dhe një mik për kaq shumë njerëz. Ai do të na mungojë shumë”, thuhej në njoftim.
Edhe organizatorët e garës kanë shprehur ngushëllimet për familjen dhe të afërmit e 19-vjeçarit.
“Organizata e Volta a Portugal dhe Federata Portugeze e Çiklizmit shprehin ngushëllimet e tyre më të sinqerta familjes së Finlay Tarling, shokëve të tij të ekipit, Ekipit të Zhvillimit të NSN dhe të gjithë miqve dhe të dashurve të tij”, thuhet në deklaratë.
Sipas transmetuesit portugez RTP, Tarling u godit nga një makinë që nuk ishte pjesë e garës dhe që po lëvizte në drejtim të kundërt.
Presidenti portugez, Antonio Jose Seguro, ka shprehur gjithashtu ngushëllimet e tij, duke thënë se vdekja e Tarlingut “e kishte zhytur në zi turneun dhe kombin pritës”.
