Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Premtonte udhëtime drejt SHBA-së për studime në këmbim të parave, arrestohet drejtoresha e qendrës arsimore
S.BPërditësimi i fundit 6 Qershor 2024, 16:42
foto ilustruese
TIRANË- Arrestohet drejtoresha e një qendre arsimore menjëherë pas njoftimit të Ambasadës amerikane lidhur me një skemë mashtrimi. Mësohet se kjo qendër arsimore i merrte para individëve dhe u premtonte se do ti dërgonte në SHBA për studime.
Ky reagim i menjëhershëm vjen pas deklaratës së Ambasadës amerikane ku njofton qytetarët të jenë të kujdeshëm me personat apo projektet që ofrojnë udhëtime falas në Amerikë ose viza me kosto të ulët. Ambasada bëri të ditur se nuk ka asnjë lidhje me projektin në fjalë i cili njihet si “Let’s Talk Together About US24”.
Deklarata e plotë:
Ambasada e SHBA është në dijeni të një të ashtuquajturi projekt të njohur si “Let’s Talk Together About US24.” Ky grup nuk ka asnjë lidhje me Ambasadën e SHBA, Departamentin e Shtetit të SHBA, Departamentin e Arsimit të SHBA, programet tona arsimore ose personelin e ambasadës. Shërbimi i Sigurisë Diplomatike i Departamentit të Shtetit të SHBA do të vazhdojë të punojë me Policinë e Shtetit teksa ajo heton përmasat e kësaj skeme mashtruese.
U bëjmë thirrje të gjithë shqiptarëve të jenë të kujdesshëm ndaj mashtrimeve që garantojnë udhëtime falas në Shtetet e Bashkuara, si dhe viza amerikane pa pagesë ose me kosto të ulët. Gjithashtu, i bëjmë thirrje kujtdo që të kontaktojë Ambasadën e SHBA nëse dyshon se ndonjë person ose organizatë përpiqet të paraqesë veten në mënyrë të gënjeshtërt si të lidhur me ambasadën.
