Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Presidenti i Kolumbisë, Gustavo Petro: Grupi i Dritan Gjikës ka tentuar të më vrasë! Janë autorët e vrasjes së prokurorit Pecci
n.fPërditësimi i fundit 28 Maj 2025, 23:30
KOLUMBI- Presidenti i Kolumbisë, Gustavo Petro është shprehur përmes një postimi në "X", se grupi i shqiptarit Dritan Gjika ka tentuar të organizojë një atentat ndaj tij. Petro shkruan se karteli i drogës, ku është pjesë Gjika, janë pas vrasjes së prokurorit paraguaian Pecci dhe kanë arritur të mbulojnë autorët e vrasjes brenda prokurorisë.
“Ky quhet karteli i trafikut të drogës, me qendër në Abu Dhabi. Ata kontrollojnë një rrjet prokurorësh dhe, nëpërmjet CTI-së, portin e Buenaventurës. Ata janë autorët e vrasjes së prokurorit paraguaian Pecci dhe kanë arritur të mbulojnë autorët e vrasjes brenda prokurorisë. Ata kanë tentuar të më bëjnë atentat pa sukses”, shkruan Gustavo Petro.
Bosi shqiptar i kokainës, Dritan Gjika, 48 vjeç, është arrestuar për rolin e tij në drejtimin e operacionit të kartelit për të importuar male me kokainë përmes Costa del Sol. Organizata kriminale dyshohet se përdorte biznese të ligjshme, duke përfshirë eksportuesit e bananeve, për të fshehur ngarkesat e kokainës në kontejnerë frutash të destinuar për në portet evropiane.
Arrestimi i Gjikës ka bërë që Ekuadori dhe Spanja të fillojnë procedurat e ekstradimit. Vendimi tani u takon autoriteteve të Emirateve të Bashkuara Arabe, të cilat do të përcaktojnë se cili vend do ta ndjekë penalisht i pari të dyshuarin. Duke pasur parasysh provat e shumta të mbledhura nga të dy kombet, rezultati i kësaj beteje ekstradimi mund të ndikojë ndjeshëm në luftën më të gjerë kundër rrjeteve ndërkombëtare të trafikut të drogës.
