Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Credins bank kurorëzohet me çmimin më të rëndësishëm të vitit “Best Bank for Corporate Responsibility 2026&rdq...
AKTUALITET
Procesverbali/ Mjeku i vendos 10-të të birit në provim, gazetari zbulon shkeljen
PiranjatPërditësimi i fundit 24 Shtator 2025, 13:43
Pedagogu Gëzim Xhepa ka vlerësuar djalin e tij me notën dhjetë në një provim në Fakultetin e Mjekësisë.
Nga procesverbali i provimit rezulton se djali i mjekut ka marrë notën 10-të në provimin të bërë nga i ati.
Ky rast është bërë publik nga gazetari Osman Stafa në rrjetet sociale, i cili ndër të tjera ngre pyetjen: “A mund të jetë një prind objektiv në vlerësimin e fëmijës së tij?”
Ndër të tjera ai shton: “Këto nuk janë thjesht “nota” në letër. Janë standarde që përcaktojnë nesër cilët mjekë do të mbajnë në dorë jetët e pacientëve. Ky është halli im!”
Postimi i plotë:
“Në një procesverbal provimi të Fakultetit të Mjekësisë, pedagogu Gëzim Xhepa vlerëson djalin i tij.
Rasti qënka referuar në Prokurorinë e Tiranës për konflikt interesi.
Nuk dua të paragjykoj: djali mund ta ketë merituar realisht notën 10. Por fakti që babai i tij ishte pjesë e komisionit e zhbën vlerësimin real.
Pyetje:
A mund të jetë një prind objektiv në vlerësimin e fëmijës së tij?
A nuk duhej që vlerësimi të bëhej nga një pedagog tjetër, për të shmangur çdo dyshim?
A është kjo e drejtë në raport me studentët e tjerë?
A ka pedagogë të tjerë mjekë, që vlerësojnë fëmijët e tyre, apo ky është rast i mbyllur?
A lejohet një praktikë e tij dhe a konsiderohet normale nga Fakulteti i Mjekësisë?
Dihet që shumë mjekë, duan që fëmijët të jenë trashgimtarë të profesionit. Por nëse s'ka, pse nuk e ka vendosur një rregullore Fakulteti, që ata mjekë që kanë fëmijët e tyre studentë të mjekësisë, s'mund t'i vlerësojnë ata.
Sepse kur hapet nesër vendi i punës, mesatarja luan rol vendimtar në punësim. S'ka lidhje me rastin. Por pse një djalë apo vajzë e një mjeku, merr 10-të (ndoshta të pamerituar) dhe ai studenti tjetër që e merr me meritë 9-ën, të jetë pas këtij të parit në radhën për punësim. A është e drejtë kjo?
Dhe vetë drejtuesit e Fakultetit të Mjekësisë (firmat në fund të letrës) e legjitimojnë këtë praktikë.
Këto nuk janë thjesht “nota” në letër. Janë standarde që përcaktojnë nesër cilët mjekë do të mbajnë në dorë jetët e pacientëve. Ky është halli im!”
