Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Projektbuxheti i vitit 2026/ Ivi Kaso: Të rritet buxheti për Prokurorinë e Përgjithshme, puna është shtuar, kushtet janë të pamundura
PiranjatPërditësimi i fundit 12 Nëntor 2025, 10:34
Deputeti i Partisë Demokratike, Ivi Kaso, gjatë fjalës së tij në Komisionin për Nismat Qytetare, ku po diskutohej projektbuxheti i vitit 2026 dhe mbështetja financiare për Prokurorinë e Përgjithshme, kërkoi rritje të fondeve dhe investime kapitale për këtë institucion.
Po ashtu ai theksoi se volumi i punës është rritur ndjeshëm, ndërsa kushtet infrastrukturore dhe logjistike mbeten problematike.
Fjala e deputetit Ivi Kaso
Ne kemi theksuar që në momentin e relatimit që pesha që mban Prokuroria e Përgjithshme është e madhe sepse mbulon 95% të veprave penale dhe volumi i punës është i jashtëzakonshëm.
Nëse do të shihnim që volumi i dosjeve të përpunuara është rritur me 15% është e logjikshme që shifra e suportit të ishte në vlera analoge duke marrë parasysh dhe problamtikat e rënda që janë relatuar si pamundësia e godina ekzistuese, çështja e arkivave që thellohet vit pas viti dhe siç u relatua dhe nevojat e shtuara të sigurisë.
Jemi të ndërgjegjshëm për kushtet e vështira që Prokuroria ndjek veprat penale. Shumica e gjyqeve zhvillohen në zyrat e gjyqtarëve ku gjyqtari, i pandehuri dhe prokurori janë në një karrige. Është e palogjikshme dhe anormale.
Ne jemi suportues të një mbështetje buxhetore të kanalizuar në investime kapitale që duhet të fokusohet jo vetëm në rikonstruktim por dhe në shtimin e godinave të reja.
Të gjitha këto janë çështje të mprehta dhe nga e cila vuan ndjekja penale.
