Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
AKTUALITET
Projekti i "Unazës së Madhe"/ IKMT njofton qytetarët: Sot do të bëhet demolimi i urës së Babrroit me eksploziv! Ndërpritet qarkullimi i këmbësorëve dhe mjeteve në zonë
ZH.LLPërditësimi i fundit 13 Dhjetor 2024, 09:52
ura
TIRANË- IKMT ka dhënë njoftimin e rëndësishëm se sot do të bëhet demolimi i urës së Babrroit në Tiranë. Demolimi i urës bëhet për shkak të projektit "Unaza e Madhe" dhe të ndërtimit të rrugëve për njësitë numër 4 dhe 8 si dhe zonën 5 Maji.
Bëhet me dije se shembja me eksploziv do të bëhet në orën 14:00, ndërsa njofton qytetarët që të shmangin qarkullimin në zonë.
IKMT njofton qytetarët se për arsye sigurie, do të ndërpritet qarkullimi i këmbësorëve dhe mjeteve në këtë pjesë, duke përdorur rrugët alternative. Autoritetet lokale dhe shërbimet e sigurisë do të jenë të pranishme në terren për t'u siguruar që të respektohen rregullat dhe për të udhëzuar qytetarët për çdo ndryshim në planin e qarkullimit.
Njoftimi:
Në kuadër të realizimit të projekteve për interes publik si projekti i “Unazës së Madhe” dhe "Ndërtimi i rrugëve kryesore të zonës për zhvillim, njësia administrative 4 dhe 8, zona "5 Maji" (Faza 3), IKMT në bashkëpunim me grupin e ekspertëve të xhenios ka planifikuar ditën e premte, datë 13.12.2024 ora 14:00, demolimin e urës ekzistuese (ura e Babrroit) e cila do të realizohet me shpërthim të kontrolluar.
Gjatë procesit të demolimit, do të ketë masa strikte sigurie dhe do të ndalohen kalimet këmbësorëve dhe mjeteve afër urës për të shmangur çdo rrezik për jetën dhe shëndetin e qytetarëve.
Me qëllim realizimin e punimeve të demolimit të urës njoftojmë të gjithë qytetarët dhe përdoruesit e rrugëve se, për arsye sigurie, do të ndërpritet qarkullimi i këmbësorëve dhe mjeteve në këtë pjesë. Gjatë kësaj periudhe, do të ndalohet kalimi në afërsi të urës për të shmangur çdo rrezik për jetën dhe sigurinë e qytetarëve. Për çdo qytetar që ka nevojë për kalim në këtë zonë, mund të përdorë rrugët alternative.
I gjithë ky proces është i nevojshëm për të siguruar një infrastrukturë të re dhe më të qëndrueshme, duke garantuar sigurinë e lëvizjes në të ardhmen.
Autoritetet lokale dhe shërbimet e sigurisë do të jenë të pranishme në terren për t'u siguruar që të respektohen rregullat dhe për të udhëzuar qytetarët për çdo ndryshim në planin e qarkullimit.
Faleminderit për mirëkuptimin dhe bashkëpunimin tuaj në këtë periudhë të nevojshme për përmirësimin e infrastrukturës!
