Shqipëria po përballet me një tranzicion demografik të paprecedentë, ku ritmet e plakjes së popullsisë po tejkalojnë m...
AKTUALITET
Projektligji me ndryshimet e kërkuara nga GJK/ Studentët e Mjekësisë dalin kundër: Do i drejtohemi Strasburgut, qeveria na injoroi
r.llPërditësimi i fundit 3 Maj 2024, 20:27
studentet
TIRANË- Studentët e Mjekësisë janë shprehur kundër projektligjit me ndryshimet që kërkoi Gjykata Kushtetuese. Ata thanë se ndihen të injoruar që ministria nuk i ka ftuar për konsultime, ndërsa paralajmëruan se do të zhvillojnë sërish protesta dhe thanë se do t'I drejtohen gjykatës në Strasburg.
"Protesta e studentëve të Mjekësisë nuk ishte për reduktimin e viteve të punës së detyruar ishte sepse ne ishim kundër idesë së ligjit në tërësi. Kur studentët e Mjekësisë ishin kaq të rëndësishme për Shqipërinë, pse ministritë përkatëse nuk i ftuan për diskutim studentët. Mbajtja peng e diplomës dhe puna e detyruar nuk janë mënyra ideale të mbash mjeket në Shqipëri. Ka mënyra shumë herë më natyrale që janë investimi në sektorin shëndetësore të cilat nuk lënë vend për punë të detyruar por të dëshiruar. Jemi drejt përfundimit të një drafti ligjor ta çojmë çështjen ën gjykata ndërkombëtare."- u shpreh një nga studentët.
Në projektligjin i cili është hedhur për konsultim deri në 29 maj është ulur detyrimi për të ofruar shërbim shëndetësor në vendin e tyre pas përfundimit të studimeve. Pasi Gjykata Kushtetuese tha se afati 5 vjetor është jo-proporcional, ka bërë që qeveria të propozojë që ky afat të ulet në 3 vite.
Afati është ulur edhe për studentët e vitit të dytë e deri në atë të katërt, nga 3 vite që parashikonte ligji më parë, në 2, dhe për studentët e vitit të pestë e të gjashtë, që ligji parashikonte dy vjet punësim të detyruar brenda Shqipërisë duke e ulur me një vit.
Në nisje të vitit akademik studentët e Mjekësisë bojkotuan mësimin dhe zhvilluan protesata kundër ligjit që i vendoste mes dy zgjedhjeve. Përtej viteve të shkollës, atyre do t'ju duhej që të punonin edhe 5 vite për të marrë diplomën. Në të kundërt do të duhej që të paguajnë tarifën më shumë se të tjerët.
