Grupi Parlamentar i Partisë Demokratike ka kërkuar zhvillimin e një mocioni me debat mbi raportin e Komisionit Evropian për Shqipërin...
AKTUALITET
Protestuesja sfidon Taulant Ballën: Po je burrë, hajde këtu në protestën tonë...
PiranjatPërditësimi i fundit 22 Qershor 2026, 21:23
Qytetarët kanë vijuar sërish protestën kundër kryeministrit Edi Rama, ndërsa në ditën e 23 kërkojnë dorëheqjen e tij.
Përmes një fjalimi të mbushur me emocione dhe revoltë, një protestuese denoncoi largimin masiv të të rinjve nga vendi, duke bërë përgjegjëse të drejtpërdrejtë politikën aktuale të qeverisë.
Ajo e cilësoi kreun e qeverisë si shkaktarin kryesor që la prindërit të vetmuar dhe i detyroi fëmijët të marrin rrugët e botës, duke i hequr atyre çdo shpresë për një të ardhme brenda atdheut.
Në vijim të fjalës, qytetarja e drejtoi indinjatën e saj edhe ndaj funksionarëve të tjerë të lartë, duke përfshirë akuzat për abuzime me fondet publike dhe për krijimin e një drejtësie me dy standarde.
Sipas saj, teksa qytetarët e thjeshtë përballen me heqjen e lirisë për gabimet më minimale, zyrtarët e lartë të përfshirë në afera miliardash mbeten të pandëshkuar.
"Të nderuar miq. Të nderuar, në veçanti diaspora që i treguat këtij kryeministri që jemi të gjithë të bashkuar. Unë sot po flas si nënë. Si nënë me fëmijën në emigrim. Presim çdo natë telefonatat me mall. Presim atë dhimbjen e madhe kur vjen fëmijët dhe kur ne i përcjellim për emigrim. Nuk e dimë a do kemi kohë t'i takojmë përsëri, a do jemi apo nuk do jemi. Ky kryeministër i çmendur që ne kemi, na i largoi fëmijët tanë. I la prindërit vetëm këtu, dhe pa pikën e turpit e thotë: I keni lënë prindërit të vdesin këtu vetëm. Po ti mor i çmendur, ti i le prindërit vetëm!
Ti i ke lënë fëmijët të rrugëve të botës sepse ti nuk ju dhe asnjë të ardhme në këtë vend! E gjithë rinia, faleminderit. E gjithë rinia po largohet sepse këtu nuk ka të ardhme. Ne kemi një rini të mrekullueshme. Të mrekullueshme! Ku janë sot fëmijët tanë? Ku janë djemtë tuaj? Çfarë po ndodh me këtë vend? Ndaj një thirrje të madhe për gjithë rininë: Kthehuni në vendin tuaj! Ta zhdukim këtë diktaturë që na ka helmuar, na është ngulur si ai bari i keq që nuk shkulet, ne do ta zhdukim nga ky vend! Ej, Shqipëri e madhe! Ej, Shqipëri e madhe! Mos u dorëzoni! Mos u dorëzoni nga përçarjet!
Këtu po flet kryeministri jo serb, jo grek, jo ku ta di unë se çfarë do dalë nga situata. Po ta shikoni ai kaq, kur ka filluar protesta, ka ikur nga mendja. Nuk e di se çfarë thotë. Ai vuri Zegjinenë në Parlament, kujtoi se ne do mbanim mendjen te shifrat e Zegjinesë që nuk diti të flasi dhe do merreshim me Zegjinenë. Po harroi që ky popull e ka mendjen në vend dhe sot nuk toleron më absolutisht asnjë njeri! Poshtë Edi Rama! Në burg meriton! Erion Velia e ndjek mbrapa! Belinda Balluku në burg! Ku është drejtësia? Po të kishit bërë një nga ju një gabim të vogël, sikur një vjedhje të vogël, do ishit të gjithë në burg.
Kurse Belinda nuk shkon në burg që ka vjedhur miliardat! Unë nuk e di, jam shumë kurioze të di, a mendojnë që dhe këta do vdesin një ditë apo kujtojnë se do jetojnë 1000 vjet? Jo mor jo, dy metra, dhe madje kur të vdisni ju s'do keni as vend se keni lënë pa vende. Është një turp, është një turp shumë i madh. Andaj të gjithë shqiptarëve unë ju bëj thirrje të bashkoheni sa më shumë dhe të mos shpërbëhet kjo protestë. Shqipëria është e shqiptarëve, vdekje tradhtarëve! Edhe një thirrje për Taulant Ballën. Nëse je burrë, hajde dil këtu në protestën tonë", tha ajo.
