Nënkryetari i Partisë Demokratike, Nikola Kedhi, ka reaguar ndaj deklaratave të Kryeministrit Edi Rama për renditjen e Shqipërisë...
AKTUALITET
Publikoi video të nipit, Tasha e TikTok-ut përlotet live pasi del nga burgu: Të gjithë bëjmë gabime
PiranjatPërditësimi i fundit 2 Tetor 2025, 12:35
Një vit pas ngjarjes që tronditi publikun, ku Natasha Rombula dhe djali i saj, Armando Kumaraku, u arrestuan me akuzën e “Keqtrajtimit të të miturit”, vepër e kryer në bashkëpunim. Sipas denoncimit të ish-bashkëshortes së Kumarakut, dy të rriturit shfaqnin në disa video të publikuara në rrjetin social TikTok, ku i mituri vetëm 10 vjeç përdorte fjalor banal dhe fyres.
Kjo familje është bërë e njohur për publikun edhe përmes ekranit. Për të disatën herë, ata i kanë besuar historinë e tyre emisionit “Me Zemër të Hapur”, duke e kthyer një konflikt të thellë familjar në një çështje publike dhe, në shumë raste, në një realitet të dhimbjes.
Por edhe pas ndërhyrjeve mediatike, duket se rrënjët e problemit kanë mbetur të patrajtuara në thelb: një marrëdhënie toksike mes prindërve, një ambient konfliktual, dhe një fëmijë që rritet mes kaosit dhe mungesës së stabilitetit emocional.
Sot, Natasha është e lirë, ndërsa djali i saj, Armando, vijon të qëndrojë në paraburgim. Fëmija, për të cilin u ngrit gjithë zhurma publike, mbetet ende figura më e lënduar në këtë histori viktimë e një rrethi dhune psikologjike dhe ekspozimi. Sot Natasha për të disatën herë ka zgjedhur sërish studion e emisionit për të rrëfyer atë çfarë ka ndodhur dhe po ndodh aktualisht me familjen Kumaraku dhe fëmijën e tyre.
E përlotur ajo u shpreh se kushdo mund të bëjë gabime. “Ka drejtësi , dhe duroni si kam duruar edhe unë. Për mua jeni një familje e madhe ju të paraburgimit, si burrat dhe gratë. Durim, Natasha ju do shumë, kush ka bërë gabime njerëz jemi të gjithë bëjmë gabime kërkojmë falje, drejtësia vendos në vend të drejtat tona”, tha ajo live në emision.
