Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
AKTUALITET
Punëtori i bashkisë Gjirokastër i plagosur, u dërgua me helikopter! Burime nga Spitali i Traumës
PiranjatPërditësimi i fundit 3 Mars 2026, 17:38
Punëtori i Bashkisë Gjirokastër Dritan Kopeci vazhdon të ndodhet tek spitali i Traumës në Tiranë, ndërsa policia hesht.
Ende nuk ka asnjë reagim nga policia lidhur me aksidentin e rëndë që i ka vënë në rrezik jetën punëtorit Dritan Kopeci i cili është dërguar për pastrim në godinën ish-“Kurasjanit” (NSHN), duke rënë nga kati i katërt.
Si pasojë e aksidentit, punëtori është marrë në kujdes intensiv nga mjekët tek Trauma, pasi gjendja e tij është e rëndë.
"Rasti ka ardhur, po ndiqet në mënyrë intensive nga ekipi mjekësor, për gjendjen shëndetësore nuk mund të themi dot gjë ende, pasi po vijon me ekzaminimet", bëjnë me dije burime zyrtare nga Trauma, për Piranjat news.
Ndërkohë nuk ka asnjë një reagim nga Bashkia Gjirokastër e cila ka shkelur kontratën fillestare duke rrezikuar jetën e punëtorëve. Duke i detyruar të pastronin për llogari të Bashkisë.
Ngjarja ka ndodhur gjatë orarit të punës, ndërsa punëtori ishte i angazhuar në pastrimin e objektit, i cili mësohet se ndodhet në proces sekuestrimi nga një bankë e nivelit të dytë. Sipas burimeve paraprake, bashkia kishte lidhur një kontratë për pastrimin e godinës nëpërmjet ndërmarrjes komunale.
Si pasojë e rënies nga lartësia, punëtori ka pësuar dëmtime të rënda dhe fillimisht është transportuar me urgjencë drejt spitalit rajonal. Për shkak të gjendjes së rënduar shëndetësore, ai është dërguar me helikopter drejt Tirana për trajtim më të specializuar mjekësor./ piranjat.news
