Violand Bracellari, autori i ngjarjes së rëndë
Autori i vrasjes së një polici dhe plagosjes së një efektivi tjetër ...
AKTUALITET
Punëtori në Shëngjin vdiq pasi ra nga kati i 9-të që po ndërtohej pa leje, policia shpall në kërkim 3 persona (EMRAT)
r.llPërditësimi i fundit 10 Maj 2024, 11:13
emiljano frroku
SHËNGJIN- Emiljano Frroku, 38 vjeç ka humbur jetën ditën e djeshme në Shëngjin pasi ka rënë nga lartësia e një pallati në ndërtim ku ai po punonte. Sipas raportimeve, ai ishte i pasiguruar dhe po punonte në një shtesë që po ndërtohej pa leje.
Rreth orës 07:30 të mëngjesit, i riu ka qenë duke ngjitur vinçin i cili është shkëputur dhe e ka marrë me vete dhe ka rënë poshtë bashkë me të. Objekti ishte në ndërtim e sipër, por sipas raportimeve kati i 9-të dhe i 10-të, ku Frroku po punonte po ndërtoheshin pa leje.
Burime nga policia bëjnë me dije se janë shpallur në kërkim 3 persona në lidhje me këtë ngjarje, konkretisht: Leon Ndoci pronari i firmës, Martin Biba administrator dhe Loren Haxhia inxhinier. Ndërsa ka nisur hetimi në gjendje të lirë për Hajriz Hotin, shtetas kosovar që bente punimet e dy kateve.
NJOFTIMI I POLICISË:
Në vijim të informacionit paraprak, të dhënë mëngjesin e djeshëm, për shtetasin E. F., 28 vjeç, i cili humbi jetën dyshohet si pasojë e rënies aksidentale, nga lartësia e pallatit ku po punonte, në Shëngjin, ju informojmë se:
Specialistët për Hetimin e Krimeve të Komisariatit të Policisë Lezhë shpallën në kërkim, për veprat penale “Ndërtimi i paligjshëm” dhe “Shkelja e rregullave të mbrojtjes në punë”, shtetasit:
-L.N., 51 vjeç, banues në Tiranë, administrator i firmës për ndërtimin e pallatit;
-M.B., 51 vjeç, banues në Tiranë, sipërmarrës i punimeve;
-L.H., 32 vjeç, banues në Tiranë, drejtues teknik i firmës së ndërtimit.
Nga veprimet hetimore dyshohet se këta shtetas i kryenin ndërtimet në pallat, të papajisur me dokumentacionin e duhur. Gjithashtu, dyshohet se nuk kishin marrë masat për sigurimin e rregullave të mbrojtjes në punë, dhe si pasojë ka rënë aksidentalisht, nga lartësia e pallatit, gjatë procesit të punës, shtetasi E. F..
Më tej, në vijim të veprimeve procedurale për rastin u referuan materialet në Prokurori, ku nisi procedimi në gjendje të lirë, për veprat penale “Ndërtimi i paligjshëm” dhe “Punësimi i paligjshëm”, për shtetasin H. H., 44 vjeç, banues në Lezhë, punëtor i firmës së ndërtimit.
Vijon puna për kapjen e 3 shtetasve të shpallur në kërkim.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
