Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
AKTUALITET
Qytetarja denoncon: Policia e Klosit më dhunoi dhe më cënoi pronën (VIDEO)
PiranjatPërditësimi i fundit 11 Mars 2026, 22:17
Qytetarja Dafina Alla ka bërë denoncuar për Piranjat news një ngjarje të rëndë që ka ndodhur në zonën e Klosit. Sipas deklaratës së saj, disa punonjës të policisë së Klosit kanë cenuar pronën e saj dhe më pas e kanë dhunuar dhe trajtuar në mënyrë të padrejtë gjatë kohës që ajo ndodhej aty.
Ajo thekson se deri më tani nuk ka marrë zgjidhje nga institucionet përkatëse, ndaj ka vendosur ta bëjë publik rastin dhe t’u bëjë thirrje mediave dhe autoriteteve që ta hetojnë ngjarjen.
“Kërkoj që rasti im të merret seriozisht dhe e vërteta të dalë në dritë. Jam e gatshme të paraqes çdo provë që kam dhe të jap sqarime të mëtejshme për këtë ngjarje,” shprehet qytetarja.
Ajo kërkon që personat përgjegjës të mbajnë përgjegjësi sipas ligjit dhe që institucionet kompetente të hetojnë plotësisht këtë rast.
Mesazhi i plotë:
Unë quhem Dafina Alla dhe po ju drejtohem për të bërë një denoncim publik dhe për të kërkuar ndihmën tuaj për një rast shumë të rëndë që më ka ndodhur.
Më datë 12.03.2026 më është cenuar prona nga punonjësit e Policisë së Klosit dhe më pas jam dhunuar dhe trajtuar në mënyrë të padrejtë nga disa punonjës policie gjatë kohës që ndodhesha aty. Kjo ngjarje më ka shkaktuar shqetësim të madh dhe e konsideroj një shkelje të rëndë të të drejtave të mia.
Duke qenë se nuk kam marrë zgjidhje dhe drejtësi nga institucionet përkatëse, po ju drejtohem juve si një emision që trajton raste të padrejtësive dhe abuzimeve ndaj qytetarëve.
Ju lutem të merrni në shqyrtim rastin tim dhe të investigoni këtë ngjarje, në mënyrë që e vërteta të dalë në dritë dhe personat përgjegjës të mbajnë përgjegjësi sipas ligjit.
Jam e gatshme të paraqes çdo provë që kam në dispozicion, si dhe të jap sqarime të mëtejshme për këtë rast./Piranjat news
