Ditën e mërkurë vendi ynë do të jetë nën ndikimin e masave ajrore të paqëndrueshme.
Moti parashikohet me vran&eu...
AKTUALITET
Reshje intensive shiu, paralajmërimi i Shërbimit Meteorologjik: Ja derisa zgjat moti i keq dhe zona më e prekur
PiranjatPërditësimi i fundit 5 Shkurt 2026, 21:20
Duke nisur nga dita e nesërme deri më datë 10 shkurt, në vendin tonë do të ketë reshje intensive shiu.
Shërbimi Meteorologjik Ushtarak paralajmëron se reshjet më të dendura do të bien në Qarkun e Durrësit, duke bërë apel për masa të shtuara për të monitoruar situatën në terren.
Njoftimi:
Bazuar në informacionin e Shërbimit Meteorologjik Ushtarak për periudhën 06.02.2026 – 10.02.2026, parashikohen reshje shiu me intensitet të lartë në territorin e Qarkut Durrës, të cilat mund të shkaktojnë vështirësi dhe problematika.
Nisur nga situatat e mëparshme që reshjet intensive kanë shkaktuar mbi banesat, bizneset, infrastrukturën dhe jetën e përditshme të qytetarëve, është e domosdoshme që të gjitha strukturat përgjegjëse të tregojnë gatishmëri maksimale, përgjegjësi institucionale dhe bashkëpunim të vazhdueshëm.
Në këtë kuadër, kërkohet marrja e masave parandaluese, monitorimi i vazhdueshëm i situatës në terren, raportimi i menjëhershëm për çdo problematikë që mund të lind si dhe koordinim ndërinstitucional për përballimin e çdo emergjence të mundshme.
Institucioni i Prefektit do të vijojë ndjekjen e situatës dhe do të qëndrojë në komunikim të vazhdueshëm me të gjitha strukturat përkatëse. /PiranjatNews/
