Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
AKTUALITET
Reshjet e dëborës në vend/ Policia apelon drejtuesit: Respektoni sinjalistikën, të reduktohet shpejtësia...
ZH.LLPërditësimi i fundit 30 Nëntor 2024, 16:44
policia apelon
TIRANË- Për shkak të reshjeve të dendura të dëborës që prej orëve të para të mëngjesit të sotëm, policia rrugore ka apeluar drejtuesit e automjeteve dhe motomjeteve për kujdes të shtuar.
Policia apelon për të respektuar sinjalistën rrugore, të reduktohet shpejtësia, pajisja me zinxhirë dhe goma dimërore si dhe ndjekja e udhëzimeve të shërbimeve të Policisë Rrugore.
Teksa njofton se momentalisht nuk ka asnjë aks të bllokuar, polcia rrugore bëm me dije se kontraktorët ndodhen në terren në Rrugën e Kombit dhe në akse të tjera të rrezikshme.
Apeli i Policisë Rrugore:
Duke marrë shkas nga reshjet e dendura të dëborës në Rrugën e Kombit, në Bulqizë dhe në disa akse të tjera malore të vendit, Policia e Shtetit apelon për KUJDES TË SHTUAR për drejtuesit e automjeteve dhe motomjeteve që të bëjnë kujdes në lëvizje, të respektojnë sinjalistikën rrugore , të reduktojnë shpejtësinë, të pajisen me zinxhirë dhe goma dimërore, dhe të ndjekin udhëzimet e shërbimeve të Policisë Rrugore. Firma koncesionare dhe ato kontraktore janë në terren në Rrugën e Kombit dhe në akset e tjera ku ka reshje dëbore dhe po vijojnë pa ndërprerje punën për pastrimin e rrugëve nga bora, për shpërndarjen e kripës . Deri në këto momente nuk ka asnjë aks rrugor të bllokuar. Në rast nevoje, telefononi në numrin pa pagesë 112 dhe shërbimet e Policisë do t’ju vijnë menjëherë në ndihmë.
