Kongresmeni amerikan, Ritchie Torres ka reaguar lidhur me revoltat studentore dhe dhunën që policia ka ushtruar ndaj të rinjve, duke k&eu...
AKTUALITET
Rritja e nivelit të Osumit/ Përmbytjet rrezikojnë banesat, vendosen thasë më rërë në lagjen "Goricë"
PiranjatPërditësimi i fundit 19 Nëntor 2025, 15:43
Reshjet e dendura të shiut kanë shkaktuar problematika edhe në Berat. Bëhet me dije se lumi i Osumi ka dalë nga shtrati si pasojë e shirave me dendësi të lartë. Bëhet me dije se rritja e nivelit të ujërave ka prekur fshatin Veterrik, duke përmbytur parcela të mbjella me pemë frutore dhe të mbjella të tjera të stinës.
Ndërkohë që zyra e prefektit njofton se nga Bashkia Berat po merren masa për vendosjen e pritave mbrojtëse (thasë më rërë) në lagjen Goricë, pranë hyrjeve të banesave, tek Ura e Varur dhe bizneseve pranë Urës së Goricës.
Njoftimi:
Informacion mbi situaten e rreshjeve ne qarkun e Beratit,ora 14:30 minuta. Referuar informacionit të marrë nga prurjet e lumit Osum nga dy vendmatjet e hidrometrit në Çorovodë (ura e qytetit) dhe Ura e Varur Berat,si dhe nga verifikimi në terren i situatës,konstatohet se nivelit të prurjeve të lumit Osum,sipas matjeve,në Çorovodë prurjet kanë tendencë ulje dhe aktualisht janë nê nivelin e 2.19 m(-). Ndërkohë në Berat,prurjet janë në nivelin e 3.8 m dhe në shtim ku është kaluar pragu i rrezikut.
Nga Bashkia Berat po merren masa për vendosjen e pritave mbrojtëse (thasë më rërë) në lagjen Goricë, pranë hyrjeve të banesave,tek Ura e Varur dhe bizneseve pranë Urës së Goricës. Strukturat operacionale dhe shërbimet e Bashkisë janë në terren me mjete (2 fadroma, 2 skrepa, 1 vakumtrak i DRUK dhe 3 mjete zjarrfikëse janë në terren për largimin e ujërave). Rrezik për banesa për momentin nuk ka. Situata po ndiqet në terren nga Prefekti i Qarkut znj. Valbona Zylyftari dhe Kryetari i Bashkise Berat z. Ervin Ceca.
Në bashkinë Poliçan ka raportim për dale të lumit nga shtrati në fshatin Bregas NJA Vërtop. Uji ka depërtuar në toka bujqësore dhe sera. Pa problem për banesa dhe biznese. Situata po monitorohet nga EC të bashkisë. Në bashkinë Dimal strukturat operacionale dhe ato të bashkisë janë në monitorim të vazhduar të situatës. Deri në këto momente nuk ka dalje të lumit nga shtrati.
Institucioni i Prefektit të Qarkut po ndjek në vijimësi situatën.
