Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
AKTUALITET
Rruga në Urë të Shëngjergjit në gjendje katastrofike, banorët: Nuk kalojmë dot nga gropat, uji dhe balta
Nga Xhuljan FerzajPërditësimi i fundit 16 Shkurt 2026, 09:49
Banorët e fshatit Shëngjergj ankohen se rruga në lagjen Urë, është shkatërruar plotësisht.
Ata denoncojnë për Piranjat News, se rruga është mbushur me gropa, uji, baltë, pa kanalizime dhe mungojnë investimet pre vitesh duke krijuar probleme për banorët e fshatit.
Situata është përkeqësuar gjatë ditëve me reshje shiu, ku rruga është bërë e rrezikshmen për të kaluar, pasi mund të shkaktojë dëmtim të mjeteve ose aksidente.
"Nëpërmjet këtij mesazhi dëshiroj të paraqes një ankesë lidhur me gjendjen shumë të amortizuar të rrugës në lagjen Urë, fshati Shëngjergj.
Rruga është e dëmtuar në disa segmente, me gropa të thella dhe mungesë mirëmbajtjeje, gjë që po vështirëson qarkullimin e automjeteve dhe lëvizjen e këmbësorëve. Situata bëhet edhe më problematike gjatë reshjeve të shiut, duke krijuar rrezik për aksidente dhe dëmtime të mjeteve.
Banorët e zonës po përballen çdo ditë me këto vështirësi, ndaj kërkojmë ndërhyrje sa më të shpejtë nga ana e institucioneve përkatëse për riparimin dhe sistemimin e kësaj rruge. Ju falënderoj nëse e postoni!"-shkruan një banor.
Banorët e fshatit, kërkojnë nga Bashkia Tiranë të rregullojë rrugën në mënyrë që banorët të kalojnë pa probleme./Piranjat News
