Kreu i Grupit Parlamentar të PD, Gazment Bardhi ka reaguar për ngjarjen e rëndë të ndodhur në Lozhan, ku mbeti i vrarë nj&e...
AKTUALITET
Sekuestrohen 670 mijë litra naftë kontrabandë në Durrës, dyshohet se vinte nga Tunizia/ 3 të arrestuar dhe 5 të proceduar penalisht, në kërkim dy organizatorët (EMRAT)
r.llPërditësimi i fundit 13 Janar 2025, 14:12
nafta
DURRËS- Policia e Durrësit ka sekuestruar 670 mijë litra naftë të kontrabanduar, në kuadër të operacionit "Ari i Zi". Nafta dyshohet se vinte nga Tunizia ndërsa është sekuestruar gjithashtu edhe anija e transportit, 14 dokumente identifikimi dhe dokumente për lundrim, 10 celularë dhe dokumente të tjera që do t’i shërbejnë hetimit.
Ndërkohë janë arrestuar tre persona dhe janë proceduar në gjendje të lirë pesë të tjerë (shqiptarë dhe të huaj), pjesëtarë të ekuipazhit të anijes. Të arrestuarit janë kapiteni sirian i anijes, Mohammd Kahilah, shqiptari Eneo Cano, marinar i anije dhe Sushil Vema, i cili ishte oficer i parë i anijes.
Bëhet me dije se po punohet për lokalizimin dhe kapjen e dy organizatorëve të rastit të kontrabandimit.
NJOFTIMI I POLICISË:
Durrës/Finalizohet operacioni policor i koduar “Ari i zi”.
Sekuestrohen 670 000 litra naftë e dyshuar e kontrabanduar nga Tunizia.
Gjithashtu, sekuestrohen anija me të cilën ishte kontrabanduar nafta, 14 dokumente identifikimi dhe dokumente për lundrim, 10 celularë dhe dokumente të tjera që do t’i shërbejnë hetimit për rastin.
Vihen në pranga 3 shtetas dhe procedohen në gjendje të lirë 5 shtetas (shqiptarë dhe të huaj), pjesëtarë të ekuipazhit të anijes.
Hetimet profesionale dhe të shpejta identifikojnë 2 organizatorët e këtij rasti. Punohet intensivisht për lokalizimin dhe kapjen e tyre.
Si rezultat i punës së inteligjencës policore dhe bashkëpunimit të ngushtë ndërmjet Seksionit për Hetimin e Krimeve Ekonomike dhe Financiare të DVP Durrës, Antikontrabandës dhe Seksionit për Mbështetjen Operacionale të Hetimit të DVP Durrës, Drejtorisë për Hetimin e Krimeve Ekonomike dhe Financiare të DPPSh-së, Drejtorisë së Kufirit dhe Migracionit Durrës, Guardia di Finanza Durrës, Degës së Doganës Durrës, u organizua dhe u finalizua operacioni policor i koduar “Ari i zi”.
Gjatë operacionit u arrestuan në flagrancë shtetasi sirian M. K., 45 vjeç, me detyrë kapiten i anijes, shtetasi shqiptar E. C., 43 vjeç, me detyrë marinar i anijes, si dhe shtetasi indian S. V., 42 vjeç, me detyrë oficer i parë i anijes. Gjithashtu, u identifikuan dhe u shpallën në kërkim organizatorët e dyshuar të këtij rasti, shtetasit E. S., 59 vjeç, banues në Durrës, dhe F. B., 29 vjeç, banues në Zvicër.
Më tej, gjatë këtij operacioni, u referuan materialet në Prokurori, ku nisi procedimi në gjendje të lirë për 5 pjesëtarë të tjerë të ekuipazhit të anijes, përgjegjës për mirëmbajtjen e mjetit.
Nga kontrolle në anije, në balastrat që shërbejnë për balancimin e mjetit, u gjetën përkatësisht 670 000 litra naftë e dyshuar e kontrabanduar nga Tunizia.
Materialet procedurale i kaluan Prokurorisë, për veprime të mëtejshme.
