Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
AKTUALITET
Sekuestrohen pasuritë me vlerë 600 mijë euro të drejtuesit shqiptar të drogës në Itali, policia konfiskon makina luksoze, llogari bankare dhe një vilë
n.fPërditësimi i fundit 30 Korrik 2024, 14:55
Foto
ITALI- Një pasuri me vlerë rreth 600 mijë euro i është sekuestruar një shqiptari nga autoritetet italiane. Pasuria e shqiptarit dyshohet se është fituar përmes një një organizate ndërkombëtare të trafikut të drogës ndërsa shqiptari është drejtuesi i bandës. Mësohet se policia ka konfiskuar një vilë në Caselle Torinese, 4 makina luksoze, një kompleks i tërë biznesi që operon në sektorin e ndërtimit, cash dhe llogari bankare.
Ndërkohë shqiptari ndodhet në burg që nga maji 2023, si pjesë e operacionit të quajtur “Neë Bottom Barrel”. Në fillim të viteve 2000 ai ishte arrestuar me akuzën se ishte pjesë e një organizate kriminale që synonte të ndihmonte emigracionin e paligjshëm, një krim për të cilin ai u dënua më pas në vitin 2002.
Në vitet në vijim ai u dënua për marrjen e mallrave të vjedhura dhe, midis 2003 dhe 2004, ai u dënua së bashku me shtetas të tjerë shqiptarë, për krime që lidhen me trafikun ndërkombëtar të drogës. Policia ka vijuar edhe sekuestrimin paraprak të aseteve me vlerë mbi 200 mijë euro, që i atribuohen një tjetër autori me origjinë shqiptare, i arrestuar në flagrancë për posedim dhe tregtim të një kilogrami kokainë mbrëmjen e Krishtlindjes së kaluar. Në sekuestrim përfshihej një apartament, 2 makina luksoze, një dyqan në Nichelino, para cash dhe llogari bankare.
