Banorët e fshatit Nikaj-Mërtur, njësia administrative Lekbibaj, janë ngritur në protestë kundër ndërhyjeve që...
AKTUALITET
Sërish ndryshime, Hita hap garën për tre departamentet kyçe të Policisë së Shtetit
PiranjatPërditësimi i fundit 6 Korrik 2026, 16:14
Pas ndryshimeve të drejtorëve të policisë në qarqe, Skënder Hita ka nisur edhe lëvizjet në Drejtorinë e Përgjithshme të Policisë së Shtetit për të rienergjizuar organizatën.
Pas 4 vitesh me të njëjtin drejtues, Hita pritet të bëjë ndryshim në departamentin e Policisë Kriminale, që cilësohet si numri dy në policinë e Shtetit dhe që drejtohet që prej 1 gushtit 2022 nga Neritan Nallbati, të cilit i ka përfunduar mandati. Emri më potencial për të marrë drejtimin e këtij departamenti është Ervin Hodaj, drejtori aktual i komanduar i Policisë së Durrësit.
Po ashtu Hita ka hapur garën edhe për departamentin e Marrëdhënieve Ndërkombëtare, që prej vitit 2020 drejtohet nga Pëllumb Seferi. Për departamentin e Marrëdhënieve Ndërkombëtare pritet të kandidojë Idajet Faskaj.
Edhe për departamentin e Kufirit dhe Migracionit pritet të kemi ndryshime, i cili prej një viti drejtohet nga Saimir Muça, i emëruar kur kryepolic ishte Ilir Proda.
Pas mbylljes së garës në këto tre departamente, Hita pritet të bëjë edhe ndryshime edhe në qarqet ku ende nuk ka ndryshuar drejtuesit, atë të Beratit, Elbasanit, Korçës, Gjirokastrës dhe Durrësit, pasi drejtori i komanduar në këtë qark Ervin Hodaj pritet të jetë kandidat potencial për të marrë drejtimin e Policisë kriminale në Drejtorinë e Përgjithshme.
