Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
AKTUALITET
Sezoni veror, Policia Rrugore në Shkodër: Procedohen penalisht 12 persona, vendosen 717 masa administrative
M.B.Përditësimi i fundit 16 Gusht 2024, 14:16
SHKODRA- Policia Rrugore e Shkodrës njofton se në kuadër të sezonit veror, po punon 24 orë në 24, me qëllim mbarëvajtjen e sezonit turistik. Bëhet me dije se në 10 ditët e fundit, Policia Rrugore e Shkodrës ka proceduar penalisht 12 persona për drejtim të mjetit në gjendje të dehur ose pa leje drejtimi. Gjithashtu, janë vendosur 717 masa të ndryshme administrative. Po ashtu në njoftim thuhet se Policia apelon që të respektohen rregullat e qarkullimit rrugor.
Njoftimi:
Policia Rrugore e Shkodres, e angazhuar 24/7, me pajisje të logjistikës bashkëkohore, në çdo aks të qarkut, për të parandaluar aksidentet dhe për të menaxhuar trafikun
Gjatë sezonit veror, kur fluksi i lëvizjeve në akset rrugore kryesore të Shkodrës dhe të zonave bregdetare është në kulmin e tij, Policia Rrugore ka përforcuar kontrollet dhe monitorimin. Me patrullime të shtuara dhe përdorim të teknologjisë së avancuar, fokuset kanë qenë rritja e parametrave të sigurisë rrugore dhe parandalimi i çdo lloj shkeljeje që mund të çojë në aksidente.
Gjatë 10 ditëve të fundit, në Qarkun Shkodër janë proçeduar penalisht 12 shtetas për drejtim mjeti në gjendje të dehur & pa leje drejtimi si dhe janë pezulluar 6 leje drejtimi. Janë vendosur 717 masa administrative për shkelje të ndryshme, konkretisht:
262 për parakalime të gabuara ; 30 për mosvendosjen e rripit të sigurimit 19 për përdorimin e celularit gjatë drejtimit të mjetit ; 27 për mosmbajtjen e kaskës mbrojtëse ; 18 për drejtim të mjetit, nën ndikimin e alkoolit ; 16 për mungesë të polices se sigurimit ; 78 për parkim të gabuar ; 320 për shkelje të tjera të Kodit Rrugor . Policia Rrugore do të vijojë të jetë e pranishme në çdo aks të qarkut, me qëllimin e vetëm parandalimin e aksidenteve rrugore.
Policia apelon që të respektoni rregullat e qarkullimit rrugor, të shmangni përdorimin e celularit gjatë drejtimit të mjetit, parakalimet e gabuara, dhe të moderoni shpejtësinë.
