Deputeti i Partisë Socialiste Klevis Jahaj është paraqitur ditën e sotme në ambientet e SPAK.
Jahaj është deputet i qarkut...
AKTUALITET
Shembja e pallateve në Kombinat, kush janë zyrtarët e bashkisë Tiranë të vënë nën akuzë
PiranjatPërditësimi i fundit 9 Dhjetor 2025, 21:24
Pesë zyrtarë të Bashkisë së Tiranës dhe tre persona të tjerë u vendosën nën akuzë nga ana e Prokurorisë, pasi dëmtuan buxhetin duke marrë fonde publike për punime fiktive. Prokuroria thotë se hetimet nisën nga denoncimi i një qytetari për prishjen nga IMT të pallatit të tij, pa njoftim e pa vendim zyrtar në vitin 2021.
Pesë zyrtarë të Bashkisë së Tiranës dhe tre persona të tjerë u vendosën nën akuzë nga ana e Prokurorisë, pasi dëmtuan buxhetin duke marrë fonde publike për punime fiktive. Prokuroria thotë se hetimet nisën nga denoncimi i një qytetari për prishjen nga IMT të pallatit të tij, pa njoftim e pa vendim zyrtar në vitin 2021. Prokuroria provoi se nga janari 2021 janë shembur 6 objekte nga Bashkia Tiranë, duke përfshirë edhe pallatin nr.140 që ishte objekti i hetimit. Prokuroria zbulon se zyrtarët paraqitën të dhëna të rreme dhe punime fiktive në terren.
Nga shqyrtimi i plotë i materialit hetimor, rezultoi se shtetasit Sokol Qehajaj dhe Rexhina Rakipi, në cilësinë e punonjësve të IMT-së pranë Bashkisë Tiranë, kanë hartuar preventivët e punimeve. Referuar aktit të ekspertimit grafik, provohet gjithashtu se nga shtetasit Aurel Çuko, Drejtor i Përgjithshëm i Emergjencave Civile, Aurel Boriçi, Drejtor i Drejtorisë së Emergjencave Civile, Eleana Guçe, Përgjegjëse sektori i Politikave të Kompensimit të Fatkeqësive Natyrore, janë konsumuar elementet e figurës së veprës penale të “Falsifikimit të dokumenteve’ dhe ‘Shpërdorimi i detyrës’.
Roli i tyre ka qenë i ndërlidhur drejtpërdrejt me hartimin, nënshkrimin dhe përdorimin e dokumenteve zyrtare që lidhen me “Aktin e dorëzimit të sheshit të ndërtimit” dhe me dokumentacionin vijues të punimeve për pallatin nr.140 dhe pallatet e tjera objekt i kontratës.
Ndërkohë u provua gjithashtu se shtetasi Fatmir Firi në cilësinë e administratorit përfaqësues të "Arb&Trans-2010"sh.p.k & "KLAJGER KONSTRUKSION"sh.p.k., ka konsumuar elementet e veprës penale të “Falsifikimit të dokumentave”, konkretisht me dokumentin “Procesverbal, mbi fillimin e punimeve në objektin “Demolimi dhe evadimi i mbetjeve ndërtimore per 15 pallate, mes tyre dhe pallatit nr 140 me vendndodhje në rrugën “Haki Stermilli”, njësia administrative nr.6 Tiranë.
