Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
AKTUALITET
Shfrytëzonin dy subjekte në Tiranë për organizimin e lojërave të fatit/ Në pranga tre persona dhe 1 në kërkim, sekuestrohen 6 makineta dhe 2 aparat celular
E.DPërditësimi i fundit 6 Prill 2025, 12:30
TIRANË- Tre persona janë arrestuar nga policia e Tiranës dhe një është shpallur në kërkim, pasi shfrytëzuan dy subjekte në Tiranë për organizimin e lojërave të fatit. Gjithashtu policia bën të ditur se janë sekuestruar 6 makineta dhe 2 aparat celular, që i shërbenin këtij aktivitetit të paligjshëm. Ndërkohë materialet procedurale iu referuan Prokurorisë së Tiranës, për veprime të mëtejshme.
Vijon operacioni “Game Over”, për goditjen e organizimit të paligjshëm të lojërave të fatit. Evidentohen 2 subjekte të tjera ku ushtrohej veprimtari e paligjshme në fushën e lojërave të fatit. Sekuestrohen 6 makineta dhe 2 aparat celular, që i shërbenin këtij aktivitetit të paligjshëm.
Shërbimet e Sektorit për Hetimin e Krimeve Kibernetike, në bashkëpunim me Forcën Operacionale dhe Forcën e Posaçme “Shqiponja”, në vijim të operacionit policor të koduar “Game Over”, për goditjen e organizimit të kundërligjshëm të lojërave të fatit, kanë vijuar kontrollet në ambiente të ndryshme të qytetit të Tiranë, ku dyshohet se mund të kryhej kjo paligjshmëri, dhe si rezultat, kanë goditur 2 raste të tjera të kësaj paligjshmërie. Në vijim të veprimeve për këto raste, shërbimet e Policisë:
-arrestuan shtetasit P. L , 52 vjeç dhe Sh. Rr., 22 vjeç, pasi në aparatin celular të shtetasit Sh. Rr, u gjetën aplikacione të lotarive të palejuara. Shtetasi Sh. Rr, ishte i punësuar në lokalin në administrim nga P. L;
-arrestuan shtetasin A. Ll., 18 vjeç si dhe shpallën në kërkim shtetasin E. T., 34 vjeç, pasi gjatë kontrollit të ushtruar në lokalin me administrator shtetasin E. T dhe punonjës A. LL, u gjetën 6 kompjutera që dyshohet se përdoreshin për ushtrimin e veprimtarisë të kundraligjshme të lojrave të fatit. Materialet procedurale iu referuan Prokurorisë së Tiranës, për veprime të mëtejshme.
