Kreu i Grupit Parlamentar të PD, Gazment Bardhi ka reaguar për ngjarjen e rëndë të ndodhur në Lozhan, ku mbeti i vrarë nj&e...
AKTUALITET
Shisnin kanabis e kokainë të ndara në doza lagjeve të Fierit, arrestohen në flagrancë dy të rinj
S.BPërditësimi i fundit 11 Qershor 2024, 13:12
lënda narkotike e sekuestruar
FIER- Kapen dhe arrestohen në flagrancë dy persona dhe procedohet një tjetër në Fier. Mësohet se S. I 23 vjeç dhe R. O 28 vjeç janë kapur duke shitur kanabis dhe kokainë në lagjet e Fierit.
Nga kontrolli në banesën e tyre janë gjetur dhe sekuestruar dhjetëra doza kanabisi e kokaine, peshore, grirëse bimore, thikë dhe 4 celularë. Dyshohet se këta të rinj siguronin lëndën narkotike, e ndanin në doza dhe e shisnin në lagjet e qytetit.
Për këtë rast është proceduar i lirë 42-vjeçari E.I pasi ka patur dijeni për veprimtarinë kriminale.
Njoftimi i Policisë:
Fier/Si rezultat i hetimeve të kryera në kuadër të megaoperacionit "Tempulli", goditet një rast i shitjes së lëndëve narkotike, në doza.
Finalizohet operacioni policor i koduar “Procesi”, sekuestrohen dhjetëra doza të lëndëve narkotike cannabis sativa dhe kokainë.
Vihen në pranga 2 shtetas që u kapën në flagrancë në lagjen "1 Maji", duke shitur doza të lëndëve narkotike, të cilat i përgatitnin në banesë.
Pas disa muajsh hetime të kryera në kuadër të megaoperacionit "Tempulli", Seksioni për Hetimin e Narkotikëve i DVP Fier, në bashkëpunim me Forcën e Posaçme Operacionale të DPPSH Tiranë, finalizoi operacionin e koduar “Procesi”, si rezultat i të cilit u kapën në flagrancë duke shitur lëndë narkotike, në lagjen "1 Maji", Fier, dhe u vunë në pranga shtetasit:
S. I., 23 vjeç dhe R. O., 28 vjeç, banues në Fier.
Gjatë kontrollit në banesat e këtyre shtetasve, shërbimet e Policisë kanë gjetur dhjetëra doza të lëndëve narkotike të dyshuara narkotike cannabis sativa dhe kokainë, të cilat u sekuestruan së bashku me një peshore elektrike, një grirëse bimore, një mjet prerës (thikë) dhe 4 celularë, që shërbenin për këtë veprimtari të paligjshme.
Nga veprimet hetimore dyshohet se këta shtetas, në bashkëpunim me njëri-tjetrin, siguronin lëndë narkotike cannabis sativa dhe kokainë, i ndanin në doza në banesat e tyre dhe i shitnin në lagje të ndryshme.
Në vijim të veprimeve procedurale për këtë rast u referuan materialet në Prokurori ku nisi procedimi në gjendje të lirë për shtetasin E. I., 42 vjeç, banues në Fier, pasi dyshohet se ka patur dijeni për këtë veprimtari kriminale.
Vijojnë hetimet për identifikimin e shtetasve të tjerë të përfshirë në këtë veprimtari kriminale.
Materialet procedurale i kaluan Prokurorisë, për veprime të mëtejshme.
