Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Shiste produkte bujqësore të skaduara me etiketa të rreme, arrestohet 'biznesmeni' 35-vjeçar
PiranjatPërditësimi i fundit 22 Tetor 2025, 15:48
Një 35-vjeçar është kapur duke tregtuar produkte bujqësore të skaduara, ku sipas hetimeve, ai kishte ndryshuar afatin e përdorimit të produkteve me etiketa të reja, duke i shitur ato si të vlefshme. Ngjarja ka ndodhur në Fushë Krujë, ku policia ka zbuluar një sasi të konsiderueshme produktesh bujqësore që ishin jashtë afatit të përdorimit, të cilat ishin manipuluar për t'u paraqitur si të sigurta për konsum.
Operacioni i koduar “Expiration” ishte ai që çoi në zbardhjen e këtij rasti, pas një hetimi të detajuar. Sipas burimeve të policisë, 35-vjeçari dyshohet se kishte shitur për një kohë të gjatë produkte bujqësore për mbrojtjen e bimëve, duke i paraqitur ato si të vlefshme, ndërkohë që në fakt ishin të skaduara dhe jashtë afatit ligjor të përdorimit.
Njoftimi i policisë:
Tiranë/Finalizohet operacioni policor i koduar “Expiration”.
Operacioni u zhvillua nga Seksioni për Hetimin e Krimit Ekonomik dhe Financiar, në bashkëpunim me Autoritetin Kombëtar të Ushqimit (AKU).
Shiste produkte bujqësore të skaduara, vihet në pranga 35-vjeçari.
Në magazinën e këtij shtetasi, në Fushë Krujë, u gjet një sasi e konsiderueshme produktesh bujqësore të cilave ky shtetas iu ka shtyrë afatin e skadencës, duke iu vendosur etiketa të reja.
Në zbatim të planit të masave për kontrollet në subjekte të ndryshme, me qëllim parandalimin e tregtimit të produkteve ushqimore dhe bujqësore të skaduara, Seksioni për Hetimin e Krimit Ekonomik dhe Financiar, në bashkëpunim me AKU-në, organizoi dhe finalizoi në drejtimin e Prokurorisë, operacionin policor të koduar “Expiration”.
Si rezultat i këtij operacioni u arrestua shtetasi E. D., 35 vjeç, banues në fshatin Krutje, Lushnje.
Nga hetimet dyshohet se ky shtetas ka shitur një sasi të konsiderueshme produktesh bujqësore për mbrojtjen e bimëve, të cilave iu ka shtyrë afatin e skadencës, me 1 vit më shumë se ai i miratuari nga Ministria e Bujqësisë.
Gjatë kontrollit të kryer në bashkëpunim me punonjësit e AKU-së, në magazinën e këtij shtetasi, në Fushë Krujë, u konstatua një sasi e konsiderueshme produktesh bujqësore, me afat përdorimi 2 vjet nga viti i prodhimit, të cilave ky shtetas iu kishte vendosur etiketa që përcaktonin afat përdorimi 3 vjet nga data e prodhimit.
Gjithashtu, shërbimet e Policisë sekuestruan në cilësinë e provës materiale, qindra etiketa me ngjitje, në të cilat ishte ndryshuar afati për përdorimin e produkteve bujqësore.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
