Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Shkeli urdhrin e mbrojtjes duke iu afruar bashkëshortes, arrestohet 42-vjeçari në Korçë
S.BPërditësimi i fundit 29 Korrik 2024, 15:45
foto ilustruese
KORÇË- Arrestohet një person dhe procedohen tre të tjerë në Korçë dhe Pogradec. Mësohet se është arrestuar 42-vjeçari M.R pasi shkeli urdhrin e mbrojtjes të bashkëshortes së tij duke iu afruar. Për më tepër 42-vjeçari u kap duke drejtuar automjetin pa patentë.
Tre persona janë proceduar penalisht, kryesisht për dhunë, kundërshtim ndaj forcave të policisë si dhe drejtimi i automjetit në gjendje të dehur dhe përplasja e tij.
Njoftimi i Policisë:
Drejtoria Vendore e Policisë Korçë
Komisariati i Policisë Korçë arrestoi në flagrancë shtetasin M. R., 42 vjeç, banues në fshatin Bulgarec, Korçë, për veprat penale “Veprime në kundërshtim me vendimin e gjykatës” dhe “Drejtimi i automjetit në mënyrë të parregullt”, pasi ka shkelur urdhrin e mbrojtjes që ka bashkëshortja e tij, duke iu afruar asaj, dhe është kapur duke drejtuar automjetin, pa leje drejtimi.
Në vijim të informacionit të dhënë më datë 27.07.2024, për ngjarjen e ndodhur në lagjen nr. 1, Pogradec, ku pas një konflikti të castit, mbeti i plagosur me mjet prerës (thikë), një 24-vjeçar, dhe nga shërbimet e Policisë u arrestua në flagrancë autori i dyshuar, shtetasi M. Ç., 24 vjeç, banues në Pogradec, bëjmë me dije se specialistët për Hetimin e Krimeve të Komisariatit të Policisë Pogradec, në vijim të veprimeve procedurale, referuan materialet në Prokurori ku filloi procedimi penal për 2 shtetas të tjerë të dyshuar të përfshirë në këtë ngjarje, konkretisht:
-K. K., 29 vjeç, banues në Pogradec, pasi dyshohet se ka goditur me grushte një 47-vjeçar;
-P. K., 22 vjeç, banues në Pogradec, pasi ka kundërshtuar punonjësit e Policisë, duke i penguar gjatë këqyrjes së vendit të ngjarjes.
Sektori i Policisë Rrugore referoi materialet në Porkurori, ku filloi procedimi penal për shtetasin A. B., 67 vjeç, banues në fshatin Buçimas, Pogradec, pasi automjeti tip “Benz”, që e drejtonte në gjendje të dehur, në aksin “Korçë-Pogradec”, është përplasur me një automjet tjetër, me pasojë dëme materiale.
Materialet procedurale i kaluan Prokurorisë pranë Gjykatës së shkallës së Parë të Juridiksionit të Përgjithshëm Korçë.
