Kryeministri në detyrë i Kosovës, Albin Kurti, ka reaguar ndaj ceremonisë me nderime shtetërore të organizuar në Serbi p&eu...
AKTUALITET
Shmanget tragjedia në Himarë/ 35-vjeçari bie nga gomonia, del me not në bregdet
PiranjatPërditësimi i fundit 20 Qershor 2026, 16:23
Një ngjarje që mund të kishte përfunduar me pasoja të rënda është shmangur nga Policia Kufitare në Himarë, pasi një gomone mbeti pa drejtues dhe lëvizte me shpejtësi në det, duke rrezikuar mjetet e tjera lundruese dhe pushuesit në zonë. Sipas Policisë, alarmi u dha pasi u raportua një gomone që qarkullonte në mënyrë të pakontrolluar pranë zonës së Kepit të Rigonit, përballë plazhit të Llamanit.
Menjëherë pas marrjes së njoftimit, shërbimet e Policisë Kufitare dhe Njësia Policore Detare ndërhynë për të neutralizuar rrezikun.
Nga verifikimet e kryera rezultoi se drejtuesi i gomones, një 35-vjeçar me inicialet E.M., banues në Orikum, kishte rënë në det gjatë lundrimit. Pavarësisht dëmtimeve të marra në njërën këmbë, ai kishte arritur të dilte në breg, në Gjirin e Llamanit. I riu u transportua menjëherë drejt spitalit për të marrë ndihmën e nevojshme mjekësore dhe, sipas autoriteteve, ndodhet jashtë rrezikut për jetën. Ndërkohë, gomonia vijonte të lëvizte pa kontroll në det, duke krijuar rrezik serioz për sigurinë e pushuesve dhe mjeteve të tjera lundruese.
Pas neutralizimit të situatës, mjeti lundrues u shoqërua në Pikën e Kontrollit Kufitar Himarë, ku do t’i nënshtrohet verifikimeve të mëtejshme.
