Bulevardi “Dëshmorët e Kombit” është mbushur me protestues që i janë bashkuar tubimit kundër projektit për n...
AKTUALITET
Shoqëronte Ervis Martinaj para zhdukjes, gjykata dënon me burgim ish-policin Jeton Lami
PiranjatPërditësimi i fundit 18 Qershor 2023, 21:00
Gjykata e Lezhës ka dënuar me 2 vite e 10 muaj burg policin Jeton Lami. Jeton Lami është polici që është parë në shoqërinë e Ervis Martinajt para se ky i fundit të raportohej i zhdukur.
Për shkak të gjykimit të shkurtuar Jeton Lamit, i ulet 1/3 e dënimit.
Jeton Lami u arrestua pas zhdukjes së të shumëkërkuarit Ervis Martinaj, ndërsa alarmin e ngritën familjarët e ish-mbretit të lojërave të fatit.
Pak muaj me parë, Jeton Lami theu heshtjen duke dhënë disa shpjegime të detajuara për sa i përket shoqërimit të Ervis Martinajt, por refuzoi të shprehej se kishte dijeni për zhdukjen e tij.
Ai tha se Martinajn e kishte njohur 10 vite më parë, por theksoi se nuk kishte patur miqësi apo lidhje të ngushtë.
“Ervis Martinajn e kam njohur 10 vite përpara. Me atë nuk kam pasur asnjë miqësi apo lidhje të ngushtë. Megjithatë tre ditë para se ta shoqëroja në Durrës, e kam takuar rastësisht tek një ambient te Zogu i Zi. Më ka kërkuar ta shoqëroja.
E kam shoqëruar në drejtim të Durrësit dhe e kam dërguar në një hotel ku u takua me një mikeshën e tij. Të nesërmen kam shkuar sërish në Durrës, e kam marrë Ervis Martinajn dhe mikeshën e tij dhe i kam lënë në një ambient pranë një karburanti në zonën e Vorës. Aty sipas informacioneve që kisha Ervis Martinaj do të bënte disa takime. Në atë moment jam shkëputur me të dhe nuk kam asnjë dijeni se çfarë ka ndodhur me të”, kishte deklaruar për prokurorin Jeton Lami.
Ervis Martinaj ishte person në kërkim ndërkombëtar, pasi Nuredin Dumani e akuzoi atë se i kishte premtuar 500 mijë euro që të ekzekutonte rivalin e tij Endrit Dokle, kur familja denoncoi humbjen e kontakteve me të.
