Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Shpërthimi në Shkodër/ Identifikohet një nga autorët e vënies së eksplozivit në banesë, shpallet në kërkim
r.llPërditësimi i fundit 28 Korrik 2024, 10:18
foto ilustruese
SHKODËR- Është identifikuar një nga autorët e vënies së eksplozivit në orët e para të mëngjesit në një banesë në Shkodër.
Sipas informacioneve, policia ka shpallur në kërkim shtetasin me L.M., dhe po punohet për kapjen e tij. Gjithashtu po punohet për zbardhjen e plotë ngjarjes dhe si identifikimin e personave të tjerë të përfshirë.
Shpërthimi ka ndodhur rreth orës 03:36, pranë derës së banesës të shtetasit R. G. Si pasojë e shpërthimit ka vetëm dëme materiale dhe jo persona të lënduar.
NJOFTIMI I POLICISË:
Policia identifikon dhe vijon punën për kapjen e njërit prej autorëve të dyshuar të hedhjes se një sasie të vogël lëndë plasëse pranë derës së banesës të shtetasit R. G, në orët e para të mëngjesit të sotëm.
Në lidhje me ngjarjen e ndodhur në orët e para të mengjesit ku shtetas të paidentifikuar, hodhën në derën e banesës se një shtetasi një sasi të vogël lëndë plasëse dhe si pasojë ka shkaktuar vetëm dëme materiale, grupi hetimor nën drejtimin e Prokurorisë ka vijuar intensivisht hetimet me qëllim zbardhjen e ngjarjes, identifikimin dhe kapjen e autorve.
Si rezultat i veprimeve të shpejta hetimore Policia ka bërë të mundur identifikimin e njërit prej autorëve të dyshuar të kësaj ngjarje, konkretisht shtetasin L. M., dhe vijon puna për kapjen e tij.
Grupi hetimor në bashkëpunim me Prokurorinë është duke punuar intensivisht për zbardhjen e plotë dhe dokumentimin ligjor të këtij rasti si dhe për identifikimin dhe kapjen e personave të tjerë të përfshirë në këtë ngjarje.
