Gjykata Penale ka vendosur lirimin e tre protestuesve të ndaluar gjatë protestave studentore, të cilat vijojnë prej dy javësh në...
AKTUALITET
“Shqiptarët po tallen me ne”/ Zbardhen përgjimet që “fundosën” Rezart Taçin, kunati i biznesmenit: E zgjidh unë këtë punë
PiranjatPërditësimi i fundit 24 Shkurt 2026, 21:38
Kryeprokurori i SPAK, Klodian Braho, veç dënimit të Rezart Taçit, kërkoi edhe konfiskimin dhe kalimin në favor të shtetit të rreth 18 milionë eurove, të përfituara nga pastrimi i parave.
Në pretencën e zbardhur nga gazetarja Anila Hoxha, që u deklarua në gjykatë, flitet për planin në bashkëpunim me Francesco Zummo dhe Fabio Petruzzella, ndërsa përmendet një episod kur një transfertë u bllokua dhe pala italiane flet me bashkëpunëtorët e Taçit.
Nga përgjimet rezulton se Zummo dhe Petruzzella nuk kanë mundur që të kryejnë fazën e tretë të qëllimit të tyre kriminal, për të transferuar fondet nga Shqipëria në drejtim të shteteve të tjera.
Lëvizja e fondeve u bllokua pasi u vendos sekuestrimi i tyre. Personat nuk kanë pasur dijeni për masën e sekuestrimit, por në bisedat e tyre besonin se bllokimi i fondeve ka ardhur për shkak të Drejtorisë kundër Pastrimit të Parave.
Për të zgjidhur këtë problem, i pandehuri Rezart Taçi dhe kunati i tij Artur Balla, shumë herë u kanë siguruar shtetasve italianë se po bëjnë gjithçka për zgjidhjen e situatës dhe se u janë drejtuar me anë të një ndërmjetësi funksionarëve publikë të institucioneve shqiptare.
Konkretisht janë zhvilluar bisedat e mëposhtme në datën 9 tetor të vitit 2021 mes Fabio Petruzzella dhe Artur Ballës.
Petruzzella: Artur.. Artur: miku im, si je? Petruzzella: mirë… ti? Artur: të pashë vetëm tani se isha në shtëpinë e plazhit me familjen, se ai më shkroi dje se është në Mal të Zi dhe kthehet nesër.. Petruzzella: hëm… ok. Artur: dhe tha se, meqë ishte fundjavë, kthehet nesër. Petruzzella: po Artur, duhet të dalim nga ky lëmsh… në një mënyrë apo tjetër. Artur: po unë jam i pari që jam i interesuar prej shumë kohësh dhe mora këtë përgjegjësi. Petruzzella: po të them…. më tha gjyshi se, nëse deri të mërkurën nuk e zgjidhim këtë gjë, unë duhet të vij atje dhe të ritransferoj gjërat në Zvicër, se nuk ka më besim. Artur: e kuptova… e kuptova. Petruzzella: e… bravo. Artur: unë po pres vetëm një telefonatë të tij…. do ta takoj dhe do t’i them direkt, ok shoku? Petruzzella: ok, në rregull, nuk ka më…. Artur: ka të drejtë se u bënë tre muaj… Petruzzella: tamam… është evidente që nuk është vullneti për ta bërë… domethënë është një tallje…. dhe mua nuk më pëlqen që të ma…. jo nga ti… kujdes…… si quhet?? Nga vëllai i madh….. por ky po tallet me ne. Artur: e zgjidh unë këtë punë këtë javë. Petruzzella: hëmm… ma bëj këtë nder…. se unë ta thashë, të mërkurën ndryshe do më duhet të vij dhe nuk e kam me dëshirë…. e kupton.. apo jo.. Artur: ok.
Në datën 18.10.2021, midis Fabio Petruzzella dhe bashkëshortes së tij Marina Tizzi, është kryer biseda si më poshtë:
Petruzzella: Drejtori i bankës… “gjërat janë…. nuk ishte… nuk janë… u komplikuan …. më pas”. Marina: por paratë nuk t’i sjellin. Petruzzella: jo, çfarë thua, është bankë greke. Petruzzella: mendoj se shqiptarët janë tallur, se duan të gjitha paratë që ai më kërkoi mua… i duan të 3 milionë eurot…. 3 milionë duan… dhe kaq… kështu! Ja, se janë çmendur…. pra po e bëj falas… kupton? Dhe kështu i rëndon…. aq sa unë nuk di, në rregull e bëjmë me… me Bahamas…. ti nuk e kupton shumë këtë…. apo jo? Marina: është e qartë vetëm nëse… Petruzzella: domethënë Bahamas humbën. Marina: po, por… Petruzzella: sepse me vendim përfundimtar. Marina: por mos prek gjë te Bahamas, para se të sjellësh në shtëpi këtë, apo jo? Petruzzella: sigurisht, Bahamas. I thashë “duhet të bindësh klientin që kushton 50% që është më mirë se zero, apo jo?”…
