Forcat elitare, agjentët e Mossadit dhe sistemet e inteligjencës dyshohet se u vendosën në vendet fqinje gjatë luftës me Iranin,...
AKTUALITET
Shtëpia e ish-kreut të ARRSH “minierë” provash për SPAK
PiranjatPërditësimi i fundit 9 Janar 2026, 17:44
Ndërsa zhvillonte kontrolle në banesën e ish-kreut të Autoritetit Rrugor Shqiptar, Evis Berberi, agjentët e Byrosë Kombëtare të Hetimit, gjetën prova jo vetëm për të dhe shefen e saj, BElinda Balluku, por ranë në gjurmët e të tjera aferave.
Këto prova çuan në vënien nën akuzë të kryebashkiakut aktual të Shkodrës, Benet Beci. SPAK bënte me dije se provat për favorizimin e një kompania nga drejtuesi i KESH në vitin 2019, u gjetën në shtëpinë e Berberit dhe Adela Rukos, bashkëshortja e tij, e cila gjithashtu përfundon si e pandehur në bankën e të akuzuarve për të njëjtin tender.
“Nga analizimi i provave të siguruara përmes përdorimit të teknikave të posaçme të hetimit, provave materiale të sekuestruara gjatë kontrollit në banesën e personit të marrë si i pandehur në një procedim tjetër, shtetasit Evis Berberi (bashkëshorti i të pandehurës Adela Ruko), si dhe nga kryerja e veprimeve të tjera hetimore në kuadër të këtij hetimi”, rezultoi se të akuzuarit kishin favorizuar qartazi një kompani duke krijuar avantazhe dhe privilegje të padrejta për shoqërinë fituese të kësaj procedure prokurimi, “Consulting & Management Albania” sh.p.k. Bëhet fjalë një procedurë prokurimi e zhvilluar nga Korporata Elektroenergjitike Shqiptare sh.a., me objekt “Zhvillimi Strategjik i Sektorit Energjitik (Projekt Kërkimor)”, me nr. REF-46463-12-18-2019, me fond limit 69,500,000 (gjashtëdhjetë e nëntë milionë e pesëqind mijë) lekë.
