Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Si i manipulonte letrat kryebashkiaku i Kolonjës Erion Isai dhe stafi i tij
PiranjatPërditësimi i fundit 26 Shtator 2025, 16:10
Prokuroria e Posaçme ka zbuluar edhe mekanizmin se si manipuloheshin tenderët dhe përcaktoheshin vlerat e fondit limit për kompanitë e paracaktuara si fituese për dosjen ndaj kryebashkiakut të Kolonjës, Erion Isai dhe 7 zyrtarëve e përfaqësuesve të kompanive.
Sipas SPAK-ut, në komunikimet e zbardhura nga mesazhet dhe bisedat në rrjet mes të dyshuarve, rezulton se ata lëviznin shifrat me qëllim përfitimet financiare dhe udhëzonin në sekret se sa duhet të ishte shifra e përafërt që duhet të ofronte kompania e paracaktuar, që të shpallej fituese.
Më herët kanë dalë bisedat e dosjes mes kryebashkiakut Erion Isai dhesë kompanisë private “A & E Engineering” sh.p.k, Entela Çano, ku bisedonin për uljen e shifrave të fondit limit, preventivet, falsifikimin e materialeve me qëllim përfitimin financiar. Isai këmbëngulte te ulja e vlerës për tenderët, duke dhënë edhe shifrën, kurse administratorja i përgjigjej se “nuk mund të kishte verë të mirë me 5 aspra”.
Pas bisedave të tyre në Whatsapp, SPAK ka zbërthyer edhe komunikimet mes zyrtarëve dhe administratores Çano, ku vijohet me plotësimin e dokumentacioneve, orientimin dhe se si të mbahej sekret informacioni për prokurimin. Në dosje ndodhen edhe bisedat mes administratores së kompanisë private “A & E Engineering” sh.p.k, Entela Çano, fituese, me përgjegjësin e Sektorit të Prokurimeve Publike në Bashkinë e Kolonjës, Armand Tafili. Në komunikime dallohet qartë porosia se si informacioni për shifrën limit duhej mbajtur sekret, për tenderin e Ujësjellësit të fshatrave.
Në një moment kur zyrtari kërkon materialet për kolaudimin e punimeve, administratorja e paralajmëron dhe sugjeron se “po bëhej gabim” me kolaudimin pa mbaruar kontrata dhe e këshillon zyrtarin që “të mos nxitoheshin”. Gjithashtu në dosje gjenden edhe bisedat mes punonjëses dhe administratores, ku jepen porosi të veçanta për dorëzimin e dokumentacioneve pas shpalljes së ftesës për ofertë nga Bashkia Kolonjë.
Të gjithë me komunikim të përhershëm dhe koordinim të veprimeve se si do të procedohej, me qëllim paracaktimin.
Bisedat mes Entela Çanos dhe Armand Tafilit:
-Në datën 17.09.2020, në orën 12:25, shtetasja Entela Çano i dërgon Armand Tafilit mesazhin:
“Kanë vetëm datën për të ndryshuar dhe personin që e ka hartuar”
Si dhe ka dërguar dokumentin e titulluar
“2-DETAJIMI 1 MBIKQYRJES UJESJELLES KOZELI.docx”.
(Nga këqyrja rezulton se ky dokument konsiston në përcaktimin e vlerës minimale dhe maksimale për procedurën e prokurimit të titulluar “SHERBIMI MBIKQYRJE PUNIMESHSUPERVIZION I OBJEKTIT: Ndertim i ujësjellësit Erseke dhe te disa fshatrave Faza e Dyte nga burimet e Kozelif”. Referuar këtij dokumenti vlera maksimale e mbikëqyrjes është shënuar 6,409,651.65 lekë me tvsh (5,341,376.37 lekë pa tvsh), ndërsa vlera minimale është shënuar 5,566,761.97 lekë me tvsh (4,638,968.31 lekë pa tvsh).
-Në orën 12:26, pasi ka marrë mesazhet e mësipërme, shtetasi Armand Tafili ka dërguar mesazhin:
“Dakort Entela. Shumë faleminderit. Mbetemi në kontakt”.
-Në orën 12:28, Entela Çano ka mesazhin:
“Ok. Faleminderit”.
-Biseda të bëra në datën 20.09.2020 mes shtetasve Armand Tafili, me detyrën e Përgjegjësit të Sektorit të Prokurimeve në Bashkinë Kolonjë dhe shtetases Entela Çano:
-Në orën 11:06, shtetasi Armand Tafili i ka dërguar Entela Çano një material, përmbajtja e të cilit nuk mund të evidentohet.
Në orën 11:08, Armand Tafili i dërgon Entela Çano mesazhin:
“Përshëndetje Entela. Fondi për supervizimin është 5.094.540 lekë me tvsh, ndërsa ju e keni nxjerrë më shumë.”
Gjithashtu, dërgon edhe një material, përmbajtja e të cilit nuk mund të evidentohet.
-Në orën 11:35, Entela Çano dërgon mesazhin:
“Përshëndetje.. po e rikalkuloj dhe po jua dërgojmë”.
-Në orën 11:37, Armand Tafili dërgon mesazhin:
“Dakord faleminderit”.
-Në orën 11:39, Entela Çano dërgon mesazhin:
“Asgjë, të lutem”.
-Biseda të bëra në datën 24.09.2020 mes Armand Tafili, dhe Entela Çano:
-Në orën 11:35, Çano i dërgon Tafilit mesazhet:
“Armand përshëndetje… si je ? Po të dërgoj llogaritjet.. por të lutem kjo vlere duhet mbajtur sekret.. askush nuk duhet ta dijë të lutem”.
Gjithashtu, i dërgon edhe një material, përmbajtja e të cilit nuk mund të evidentohet.
-Në orën 11:36, Armand Tafili dërgon mesazhin:
“Mirë, si je ti? Patjetër”.
Në orën 11:36, Entela Çano dërgon dokumentin e titulluar “2-DETAJIMI I MBIKQYRJES UJESJELLES KOZELI.docx”.
“Ky është procesverbali.. Faleminderit ty.. por te lutem askujť”.
Në orën 11:37, Armand Tafili dërgon mesazhin:
“Ri e qetë”.
(Në lidhje me mesazhet e mësipërme, nga këqyrja rezulton se dokumenti i titulluar “2- DETAJIMI I MBIKQYRJES UJESJELLES KOZELI.docx” konsiston në përcaktimin e vlerës minimale dhe maksimale për procedurën e prokurimit të titulluar “SHERBIMI MBIKQYRJE PUNIMESH-SUPERVIZION I OBJEKTIT: Ndërtim i ujesjellesit Erseke dhe te disa fshatrave Faza e Dyte nga burimet e Kozelit”. Referuar këtij dokumenti vlera maksimale e mbikëqyrjes.
-Biseda të bëra në datën 25.09.2020 mes shtetasve Armand Tafili, me detyrën e Përgjegjësit të Sektorit të Prokurimeve në Bashkinë Kolonjë dhe shtetases Entela Çano:
